زوجة: جوزى سافر يقضى رمضان بره القاهرة خليكي إنتي في النكد

جوزى عنده شقة فى أسكندرية وكل ما بيغضب عليا بيسيبنى ويروح يقعد فيها مع ناس صحابه ... بتلك الكلمات روت زوجة لتحيا مصر من داخل محكمة الأسرة عن زوجها الذى يتهرب دوماً من خلافاته معها بسبب مطالبتها له بالبقاء معهم وتخصيص أوقات لهم ولكنه يرى فى ذلك إلغاء لساعدته ورفاهيته حتى وصل به الأمر إلى انه سافر خارج القاهرة  فى شهر رمضان بعد مشادة كلامية حديثت بينهما وأغلق هاتفه وظلت الزوجة تحاول الوصول إليه ولكن دون جدوى حتى قررت الأنفصال عنه ورفع عليه دعوى خلع بمحكمة الأسرة .

ابني رجع لحضني.. لحظة تسليم الطفل شنودة إلى الأسرة البديلة|فيديو وصور

عشان ياخدوا راحتهم في الحرام.. الثلاثينية خططت وعشيقها أزهق روح زوجها في كفر الشيخ

جوزى راجل مش بتاع مسئولية 

بدأت الزوجة حديثها لتحيا مصر :" أنا وجوزى متجوزين من 5 سنين وعندنا ولد وبنت جوزى راجل بيحب الرفاهية أكتر من اى حاجة فى حياته حتى لو رفاهيته دى هتيجى على حساب مراته وولاده وبيته مبيقولهاش لا أوقات كنت بتصل بيه وهو خارج فى النادى مع ناس صحابه أقوله أن أبنى عنده سخونة شديدة ومحتاجاه ييجى معايا نوديه للدكتور بالعربية واتفاجئ برد فعل منه مليان برود ويقولى " أنا فى مكان بعيد عن البيت وعشان أجيلك محتاج ساعة ونص على الأقل خدى اى عربية وودية للدكتور ولما أرجع هبقى أشوفه " وده كان بيخلى دايماً شكلى وحش وفى موقف محرج قدام والدتى او أخواتى لما بيلاقونى دايماً فى المشاكل لوحدى ".

قالى هيفطر مع ناس صحابه فى أول يوم رمضان ورفضت 

وتابعت الزوجة حديثها :" جوزى جه قالى قبل رمضان بليلة أنه هيفطر مع ناس صحابه فى أول يوم عشان هيتجمعوا وعايزينه معاهم وأنا طبعاً رفضت وقولتله " حرام عليك أنت مخلى وشى فى الأرض فى الحزن والفرح قدام أهلى ومش بتفكر غير فى نفسك أنا عزمت أهلى اليوم ده ومينفعش ييجوا ويلاقولك مش موجود " راح أتخانق معايا وقالى " أنتى مش هتمشى كلامك عليا وهعمل اللى أنا عايزه أنتى ست بتاعة غم ونكد وسيبينى أنبسط شوية " ولم هدومه ومشى من غير ما يقولى رايح فين ".

سافر أسكندرية يقضى رمضان هناك 

وأختتمت الزوجة حدثها :" بعد ما خد هدومه ومشى فضلت أتصل بيه عشان أعرف هو رايح فين راح بعتلى رسالة على " الواتس اب " بيقولى فيها " أنا هروح شقتى اللى فى أسكندرية وسايبلكم فلوس فى الدولاب تصرفوا منها عشان محدش يتصل بيا ولا يقولى محتاج حاجة عشان أنا راجع بعد رمضان " فضلت منهارة ومصدومة من الرسالة دى ولقيته قفل تليفونه بعدها ومعرفتش أوصله من ساعتها وبالتالى قررت أنى أحرمه منى ومن ولاده بأنى أرفع عليه دعوى خلع فى محكمة الأسرة يمكن يعرف قيمتنا ويندم على كل لحظة اختار نفسه فيها ورمانا أحنا ".