ريهام عبد الغفور: كان نفسي أمثل بالمايوه بس أمي رفضت ومصدومة في طيبة حنان مطاوع

تحدثت الفنانة ريهام عبد الغفور عن أسرار في حياتها الشخصية، وعن بدايتها الفنية، كما كشف عن سبب رفضها الأدوار الجريئة.

تحيا مصر يرصد لكم تصريحات ريهام عبد الغفور

وقالت ريهام عبد الغفور في برنامج أنا والقناع الذي يعرض عبر قناة الحياة: بيكون عندي توقعات كبيرة في الناس بس سقف توقعاتي قل لما كبرت بسبب اني اتصدمت كتير.

وتابعت: أنا مش بخيلة في مشاعري ومش بعرف أتحكم في مشاعري بقيت اتوقع أقل واعذر أكتر، وبقيت بتعامل مع الناس بفهم أن مش كل الناس أنا ولا عندك نفس الشخصية والقدرات والتربية وده بياثر على شخصيتهم وتصرفاتهم.

ريهام عبد الغفور: أنا مش ملزقة ومش بحب أدلق نفسي

 وأضافت: أنا مش ملزقة ومهما بحب واهتم بس مش بدلق نفسي ومش بحب الأفورة والمبالغة واولادي بديهم كل الحب والحنان من غير ما يزهقوا ولو فضلت احضنهم واقولهم بحبكوا 24 ساعة هيزهقوا مني وعرفت أن كل سن ليه حاجة.

ريهام عبد الغفور: أمي متزمتة ومحتفظة جدًا

كما تحدثت عن رفضها أدوار الإغراء وقالت: لما رفضت أدوار الإغراء ولبس المايوه كنت طفلة، ولا زلت عند رأيي لكن لأسباب أخرى، لان أمي متزمتة ومتحفظة جدا، وهذا كان طلبها، لكن قناعتي الشخصية كنت أتمنى أقدر أقدم كل الأدوار، لأن الفنان الذي يقوم بذلك يقدم للفن أكثر مني.

تابعت: المجتمع بقى يحكم على الفنان من شكله ولبسه أكثر من شخصيته، وأنا اخترت رضا أمي،  ومش بعمل الحاجات دي لأسباب أخرى لكن كقناعة أنا كان نفسي  أعمل كل حاجة لأن اللي بيعملوا بيقدموا أكتر مني للفن وهي قدرات ومقدرة وظروف.

وأضافت: بقينا متحفظين أكتر في الدراما والمجتمع بيحكم عليا من شكلي ولبسي وممكن الناس متهمنيش بس أمي تهمني لان أمي حاجة زي دي تضايقها  وتزعل أوي ومش عايزة في النهاية اضايقها وازعلها وهختار رضاها في الأخر.

واستكملت: والدتي دلوقتي بقت متهمة اكتر ومرنة وكمان بتتخامق معايا زمان لو عملت دور راقصة وهي ودانية شوية لو واحدة  صاحبتها كلمتها تبقى مشكلة دلوقتي فهمتني وفهمت شخصيتي واختياراتي.

ريهام عبد الغفور: مصدومة في طيبة حنان مطاوع

كما تحدتت عن حنان مطاوع وقالت: حنان مطاوع هي ملاك والشخص اللي شوفته في حياته  مش بيتغير ولا يتلوث وبتزيد نقائه رغم التجارب اللي مرت بيها ولسه عندها قلب أطفال وشئ مفيش منه اتنين وهي أقرب واحدة ليا في الوسط الفني وحياتنا شبه بعض وعدينا نفس الظروف.