ريم زوجة شاكوش: اللي معاه ربنا مش بيشغله حد.. ومعرفش يعني ايه تريند

حل مطرب المهرجانات الشعبية حسن شاكوش وزوجته ريم ضيوف برنامج العرافة مع الإعلامية بسمة وهبة، عبر شاشة قناة النهار والمحور.

تحيا مصر يرصد لكم تصريحات ريم زوجة حسن شاكوش  

ريم زوجة شاكوش وسجدة الشكر بزفافها

وقالت ريم زوجة شاكوش: اللي معاه ربنا مش بيشغله حد ومعرفش يعني ايه تريند.

وتابعت: الحكاية إن وقعت في دروب قبلها بفترة بقيت اصلي قيام الليل واقول يا رب انجدني وفجأة لاقيت مامتي بتكلمني بتقولي حسن اتقدم، وكل اللي كان في دماغي ان أنا اسجد وكويس اني مسجدتش قدامه عشان هشيله ذنب ولا اهلي ولا اهل حد يعرف ومركزتش مع حد.

رضوى الشربيني تعلق على سجود زوجة حسن شاكوش في الفرح

وكانت قد حرصت المذيعة رضوى الشربيني التعليق على سجود زوجة حسن شاكوش في حفل زفافهما، الذي أقيم خلال الأيام الماضية بأحد الفنادق الكبرى في القاهرة، بحضور عدد كبير من نجوم ونجمات الوسط الفني.

حيث قالت رضوى خلال حلقتها اليوم ببرنامج هي وبس: حركة أوفر جدًا بصراحة واللي بيسجدوا هما الرجالة وبتكون في ماتشات الكورة.. احنا أخرنا نشوف العرايس تبوس ايد أو كتف جوزها أو تحضنه حتى، لكن أنها تسجدله !! مشوفتهاش قبل كده.

وتابعت الشربيني: ازاي واحدة هانم، ست، ليدي تنزل على ركبها ومن ركبها على الأرض وقدام الناس وبفستان الفرح !! ميصحش كده وبنبهكوا عشان الموضوع ميبقاش تريند ونلاقي كل واحدة نزله تسجد للمتجوزاه.. أنا أسجد لربنا على جوزي في أوضة نومي مش وسط الناس كلها.

سهير جودة تنتقد سجود زوجة حسن شاكوش

كما علقت الإعلامية المصرية سهير جودة على الجدل الذي أُثير في حفل زفاف مطرب المهرجانات الشعبية حسن شاكوش بعد أن سجدت زوجته شكرًا لله على زواجها منه.

وقالت جودة في برنامجها الستات المذاع عبر فضائية النهار، : الله أعلم كانوا عايزين يطلعوا ترند من الفرح ولا لأ، لأننا مش هنقدر ندخل في نوايا البشر، لكن صورة زوجته وهي تسجد على الأرض فيها مبالغة جدًا.

وتابعت: حسن شاكوش شخص بسيط في كل الأحوال، بسيط في كل شيء، وقد تبدو تصريحاته بشأن غلقه مواقع التواصل الخاصة بزوجته لأنه رجل صعيدي هي تصريحات عفوية، ومن الممكن أنه لا يقصد بها أي شيء.

وأضافت: في رأيي أن حسن شاكوش هو نجم بالصدفة، لأننا في مناخ ومجتمع بيشجع المختلف، ولكن لو بالمقاييس الطبيعية هناك أشخاص كثيرة لن تتصدر المشهد، لأن هناك عدد كبير من متصدري المشهد نتيجة مشاكل كتيرة جدا في المجتمع وذوق الناس.