منة فضالي عن جعفر العمدة: اللي مش عاجبه المسلسل ملهوش دعوة واحترام الحما واجب علينا

تحدثت الفنانة منة فضالي عن انتقادات بعض الجمهور لمسلسل جعفر العمدة، والذي يعرض خلال الفترة الحالية، كما كشفت أن احترام الحموات واجب على كل شخص.

تحيا مصر يرصد لكم تصريحات منة فضالي

وقالت منة فضالي في بث مباشر عبر حسابها بموقع التواصل الاجتماعي فيسبوك: محمد سامي عامل مسلسل راهيب وكتر ألف خيره، وأنا بضايق لما بلاقي حد كاتب حاجة مش حلوة على المسلسل.

وتابعت: أكتبوا حاجة حلوة على المسلسل وخلاص ولو مش عاجبك المسلسل ملكش دعوة ومتبقوش كده خليكوا لطاف عيب كده.

وأضافت: موضوع تعدد الزوجات وارد وفي ناس بتتجوز تلاتة وأربعة واتنين والمسلسل حلو وبصوا عليه من نظرة تانية.

منة فضالي: احنا مش بنعمل رسالة ومش شرط يكون موجود في الواقع

واستكملت: احنا مش بنعمل رسالة احنا بنعمل تأليف ممكن تكون موجودة أو لا بس كل واحد يبص عليه بطريقته.

منة فضالي: احترام الحما واجب حتى لو بتشتم وتزعق

واستطرت: مش عايزة حد يكون مضايق من الستات وقصة الزوجات والحما في ناس كده كتير وده مش عيب واحترام الحما ده موضوع كبير حتى لو بتشتم وبتزعق لازم نحترمها لأنها ست كبيرة.

وأضافت منة: شكرًا على كل تعلقاته ودعموا ليا وكل أبطال العمل، و أنا والله العظيم كنت خايفة جدًا من الدور ده لأنه كوميدي وأنا أول مرة في حياتي أعمل دور كوميدي وكمان الدور صعب جدًا، ولسه في شغل مهم واحنا كلنا تعبانين فيه وعاملين مجهود وبالأخص أستاذ محمد سامي ومحمد رمضان.

منة فضالي: هالة صدقي مسلسل لوحدها ومحمد رمضان فاكهة العمل

وتحدثت منة عن أبطال العمل وقالت: هالة صدقي ملهاش حل وهي مسلسل لوحدها وبشكر كل زملائي في المسلسل واحد واحد وكلهم نجوم ومنورين وإيمان العاصي فظيعة ومي كساب راهيبة، وأحمد فهيم سيد العمدة رهيب وكارم ومنذر وزينة وكل المسلسل أحلى من بعضهم ومش عايزة أنسى حد احنا كاست كبير وبيومي فؤاد أضافة للعمل ويارب يكون مسلسل عاجبهم.

وتابعت: محمد رمضان فاكهة المسلسل وبيقتلنا ضحك وتعب جدا في المسلسل وبيشتغل على نفسه كتير أوي على نفسه ومحمد سامي أكتر حد تعبان لأنه شايل كاست كبير وبيستحملنا بمشاكلنا وبلاوينا.