مأساة زوجة: جوزى طلقنى عشان رفضت أعزم أخوه على الفطار في رمضان

أخو جوزى راجل مش كويس وبيتى أتخرب بسببه.. بتلك الكلمات روت زوجة لتحيا مصر من داخل محكمة الأسرة عن زوجها الذى لا يراعى خصوصية بيته ويدخل شقيقه الأكبر فى أدق وأبسط الامور والمناسبات الخاصة بينه وبين زوجته مما جعلها تشعر بالنفور منه وتعترض تصرفاته حتى أنتهى الأمر بينهما إلى الطلاق واللجوء لمحكمة الأسرة .

حرقوا جثته ورموها في الصحراء.. تفاصيل مأساوية بمقتل شخص في الجيزة

نهر من الدماء و8 جثث.. تفاصيل جديدة في مذبحة الاسكندرية

أخو جوزى ظلم ستات كتير ومبحبوش  

بدأت الزوجة حديثها لتحيا مصر :" أنا وجوزى متجوزين من 7 سنين وعندنا ولد وبنتين جوزى متعلق بأخوه الأكبر منه لأن والده متوفي ومعندوش أخوات غيره ولا صحاب لكن أنا عمرى ما حبيته بسبب أنه ظلم ستات كتير وكان بيتجوزهم وبعدين يطلقهم ويرميهم لما ياخد من كل واحدة مصلحة تنفعه سواء فلوس او تساعده فى شغل او حلوة وهينبسط بيها يومين وبعدين يزهق منها وكنت بحذر جوزى دايماً من القرب منه عشان كنت بخاف يتعلم منه ويعمل فيا زى ما أخوه عمل فى الستات اللى عرفهم ".

بيدخله فى كل أسرار وتفاصيل حياتنا

وتابعت الزوجة :" جوزى مفيش تفصيلة او سر فى بيتنا غير وبيروح يحكيه لأخوه عشان يستشيره وياخد رأيه لدرجة أنى لو طلبت منه أزود مصروف البيت او نسفر ولادنا مصيف او أجيب حاجة لأهلى وأروح أزورهم كان بيروح يقول لاخوه ويعرفه كل حاجة وده كان بيحسسنى دايماً أنى مكشوفة قدامه ومفيش خصوصية فى بيتى".

طلقنى عشان رفضت أعزم اخوه أول يوم رمضان 

وأختتمت الزوجة حديثها :" جوزى قالى أن أخوه هييجى يفطر معانا أول يوم رمضان هو وعروسته الجديدة بعد ما يرجعوا من شهر العسل  لكن أنا كنت جايبة آخرى من وجوده فى حياتنا وقولت لجوزى " خليه ييجى يوم تانى ..سيب أول يوم ده نقضيه أنا وأنت مع بعض ومعانا العيال" لكن جوزى معجبهوش كلامى وعند معايا وفتح تليفونه وقالى " أخويا هييجى عشان أن خلاص قررت وأنتى كمان هتتصلى بيه دلوقتى وهو مسافر وتقوليله مش هنفطر اليوم ده من غيرك " لكن أنا رفضت أعمل اللى هو بيقوله وقالى طالما مش قادرة تتقبلى أخويا اللى مشوفتيش منه غير كل خير يبقى أنتى ست مش أصيلة وأرجعى على بيت أهلك وهبعتلك ورقة طلاقك على هناك" وحتى عيالى مخلانيش أخدهم معايا وبعد 3 أسابيع ورقتى جاتلى وجيت محكمة الأسرة أطالب بإنى أسترد شقتى وأولادى اللى حرمنى منهم وكل ده عشان خاطر أخوه اللى حياتى أتخربت بسببه ".