يسرا: الحزن بيشيب وكان نفسي أبقى أم

تحدثت الفنانة يسرا عن رغبتها في فترة ما في حياتها أن تكون أم، كما كشفت يسرا عن بعض الأسرار في حياتها الشخصية.

تحيا مصر يرصد لكم تصريحات يسرا

يسرا: الحزن بيشيب والنسيان نعمة من ربنا

وقالت يسرا خلال لقائها في برنامج أنا والقناع الذي يعرض عبر قناة سي بي سي:  في حاجة بتنسيها وفي حاجات بتتناسيها، والنسيان نعمة لأي انسان في الدنيا لانك بتقدري  تنسي فبتقدري تسامحي وتتغاضي عن حاجات وألا هتعشي في الحقد وده شئ مميت.

وتابعت يسرا: الحزن بيشيب، وفي حزن بنفضل حطينه قدمنا وهو نوع الحزن اللي بيقوينا مش اللي بيكسرنا.

وأضافت: لازم تعرف تستمر ومش لازم أنجح وخلاص ولازم أعرف ايه يخليني استمر في هذا النجاح بس لو نجحت وخلاص هيبقى نجاح مؤقت لو قولت نجحت وخلصت يبقى اختيارك.

واستكملت يسرا: مش بحب اليأس ومش بفكر في اللي  كده وبعمل اللي عليا والباقي على ربنا، و في حاجات ممكن تستغي عنها من غير ما تكون  حاجة قوية في حياتك، وفي حاجات متقدريش تستغي عنها.

يسرا: كنت هموت وأبقى أم بس مينفعش أعند مع ربنا 

كما تحدثت يسرا عن رغبتها أن تكوم أم وقالت:  أنا جالي فترة كنت هموت وعايزة ابقى أم بس أنا راضية باللي ربنا كتبهولي  وفي حاجات لازم ترضي بيها وفي حاجات مش لازم تعاندي ربنا ولا الحقيقة.

يسرا: كلنا عندنا مية وش وبيظهر في أوقات معينة

وكشفت يسرا عن بعض الأمور في حياتها وقالت: كلنا بنعرف نجامل وعندنا مية وش وبنستعمله على حسب الوضع اللي احنا فيه، بس الوجه الحقيقي اللي بيبقى أنتي لوحدك عارفاه ولحظات بتطلع منك حقيقة دي اللحظة الحقيقة في الوقت ده.

كما كشفت عن التغيير الذي حدث في شخصيتها وقالت: في بدايتي كنت بتكسف أكتر ودلوقتي بطلت اتكسف وثقتي بنفسي وطريقتي وخبرتي اختلفت.

وأضافت يسرا: في اقنعة كتير وقعت قدامي ومن صديق ليا، و كان نفسي يبقى عندي عين سحرية عشان أشوف الناس على حقيقتها من جواها بس كنت هشوف وجوه وحشة كتير كنت شيفاهم كويسين وهزعل وهكره ناس كتير.