غادة عادل: خدت مهدئات ساعة الإنفصال.. وشوفت الدنيا من خلال مجدي الهواري

تحدثت الفنانة غادة عادل عن فترة انفصالها عن طليقها مجدي الهواري، وذلك خلال لقائها ببرنامج أنا والقناع عبر شاشة قناة الحياة. 

تحيا مصر يرصد لكم تصريحات غادة عادل 

غادة عادل: اخدت مهدئات ساعة الانفصال 

وقالت غادة عادل: مبحبش المهدئات ومن ٥ او ٦ سنين ساعة الانفصال كنت مضغوطة وبشتغل وحد نصحني اخد دواء مهدئ وبعد ٤ ايام لاقيت نفسي لا مبالاة بس انا عايزة احس وانفعل ودي كانت أول وأخر مرة أخده في حياتي.

غادة عادل: شوفت الدنيا من خلال مجدي الهواري 

وعن مجدي الهواري، قالت: مجدي الهواري اتعلمت منه كتير وميقبلش عليا ربع كلمة، ووصلنا انا وهو لقناعة ان لما بقينا صحاب عملنا لاولادنا حاجات اكتر.

وتابعت: مجدي بالنسبالي كان النافذة للعالم وشوفت الدنيا من خلاله وكنت ماشية وراه لما بدأت اعترض ظهرت المشاكل. 

غادة عادل وخلافها مع روبي 

وعن تفاصيل خلافها مع روبي، قالت: عمري ما سمعته، المنتج طارق الجنايني كنت هعمل معاه المسلسل وحصل ان عندي سفرية لانجلترا وجه مكاني روبي. 

وتابعت: ولما طارق كلمني قالي ده كان مسلسلك ده ارجعيله من غير ما يقولي اسباب، وانا كنت فيه الأول، وانا مضيته وأنا في انجلترا ومكنش عندي وقت، وسبحان ما نجح المسلسل ده.

تصريحات أخرى لـ غادة عادل 

-في ناس بتفتكر الطيبة هبل وعبط، ومقدرش اقول على نفسي طيبة، بس مبقدرش أاذي حد.

-لما ببقى زعلانة أو غضبانة أو خايفة ببقى مبتسم، ومش شاطرة في لبس الأقنعة واما بضحك بيجي حد بيقولي عينك مش فرحانة. 

- انا شخصية خجولة وباخد شعري ده قناع عشان مشوفش الناس أوي

- انا قلبي رهيف وحساسة جدًا

- في ناس بجحة وفي ناس صريحة بزيادة وفي ناس منافقة وبتبدل الاقنعة كتير

- عايزة اعيش في سلام وادي غادة اللي هي تستاهله وكل المواقف الوحشة ادتني قوة في البعد عن الناس اللي مش كويسة

-امدح في مجدي الهواري كمان وكمان، وهو معملش حاجة وحشة ورجولة حقيقية وجدعنة

- وكل سنة بتمر عليا بتأكد انه كان لازم يكون ابو ولادي وبلاقي منه كل الخير ولو اتجوز هفرحله وعلاقتنا مودة ورحمة وصداقة