زوج داخل محكمة الأسرة : مراتى بتدعى أنها مفسرة أحلام وبقيت مليونيرة بالنصب

مراتى خدت فلوس من ناس غلابة وكل اللى قالته ليهم وفسرته محصلش منه حاجة ... بتلك الكلمات روى زوج من داخل محكمة الأسرة عن زوجته التى تدعى أنها تفسر الأحلام وتعرف من خلالها ما سيحدث فى المستقبل وعلى هذا الأساس لجأ إليها الكثيرون ودفعوا لها مبالغ كبيرة ولكن لم يرضى هذا التصرف زوجها وقرر رفع عليها دعوى إنذار لبيت الطاعة بمحكمة الأسرة .

عملنا كدة عشان نتجوز.. أقوال قاصر هُتك عرضها داخل شقة مهجورة في الجيزة

أهل زوج عشيقته.. ثلاثيني يقفز من الرابع أثناء علاقة حرام مع عشرينية في الدقهلية

مراتى نفسها تبقى غنية بأى وسيلة

بدأ الزوج حديثه لتحيا مصر :" أنا ومراتى متجوزين من 12 سنة وعندنا ولد وبنت أنا شغال كهربائى ومراتى ست بيت لكن بدأت من حوالى سنتين تطلب منى تنزل تشتغل وأنا رفضت نزولها من البيت عشان متقصرش فى أهتمامها بالأولاد مراتى مش عاجبها حالنا وطول الوقت بتفكر فى الفلوس وأنها متبقاش أقل من اى ست عرفتها وكانت عايشة عيشة أحسن منها وده كان بيحسسنى دايماً أنى لازم أتعب وأجتهد فى شغلى أكتر وأكتر يمكن مراتى تبطل تفكر فى الماديات بالشكل ده لحد ما دخلت فى طريق كرهنى فيها وندمنى على كل حاجة كويسة قدمتهالها ".

بدأت تفسر للناس أحلامهم بمقابل مادى 

وتابع الزوج حدثه :" مراتى جالها فكرة شيطانية وهى أنها تستغل حبها فى قراية كتب تفسير الأحلام من صغرها وتبدأ هى اللى تفسر للناس وتاخد منهم فلوس فى المقابل وعملت لنفسها أسم وشهرة فى المنطقة وبقى ناس كتير بيروحولها ستات ورجالة ومبقيتش ملاحقة على الشغل والموضوع بيتم من خلال أنهم بيحجزوا عندها معاد مع أختها اللى أشتركت معاها فى القصة والمكان بيبقى عندنا فى البيت ولما بتقعد معاهم بيحكولها الحلم اللى هما بيشوفوه وهى تقولهم ده تفسيره أية فى المستقبل حتى لو كان كلامها مش صادق كانت بتدعى أنها عارفة وفاهمة عشان خاطر الفلوس ".

الناس قلبوا عليها وهربت منهم  

وأختتم الزوج حديثه :" مراتى لما الناس بدأوا يلاحظوا أن كل اللى هى قالتله ليهم أنه هيحصل فى المستقبل مبيحصلش منه حاجة أتقلبوا عليها بسبب المبالغ اللى هما دفعوها ومستفادوش من وراها حاجة وبقوا بيهددوها بالحبس راحت خدت عيالها وسابت البيت وراحت قعدت عند واحدة صاحبتها عشان محدش يعرف يوصلها أنا كنت دايماً على مدار السنتين بنبهها وبقولها أن الطريق اللى هى ماشية فيه ده غلط لكن هى مسمعتش كلامى وكانت دايماً تقولى " الشغلانة دى هى اللى هتغيرلنا حياتنا " وبالفعل بقيت مليونيرة بالنصب على الناس ودلوقتى بعد ما سابتلى البيت وخدت العيال قررت ارفع عليها دعوى إنذار لبيت الطاعة عشان يبقى تأديب ليها وعشان مش عايز أتحرم من عيالى بسبب واحدة أنانية ومادية زيها ".