ريم البارودي لـ ريهام سعيد: اللي وقع بينا شتام.. وبيجيب أعراض الناس

حلت الفنانة ريم البارودي ضيفة برنامج صبايا الشمس مع الإعلامية ريهام سعيد، وذلك عبر شاشة قناة الشمس، بعد خلاف بينهم دام 3 سنوات. 

تحيا مصر يرصد لكم تصريحات ريم البارودي مع ريهام سعيد 

ريهام سعيد: حسيت الخلاف بدأ في فرح أحكد فهمي 

فقالت ريم البارودي: كنا بنختلف الاول والخلاف مكنش بيطلع للناس ومكناش بنتخاصم، والخلاف ابتدا ان في شخص ما بينا وانا دايما في التصور ببقى شخص متوتر، وكنت داخلة اصور، والخلاف مفيهوش زينة خالص، وغيرت على وفاء وزعلنا الزعل العادي، والموقف اصلًا كان بسبب كده.

وقاطعتها ريهام سعيد، قائلة: الخلاف حسيت انه بدأ لما كنا في فرح احمد، وقالتلي ليه محطتيش صورة لوفاء عامر!

ريم البارودي: الشخص اللي وقع بينا شتام وبيجيب أعراض الناس 

وأستكملت ريم كلامها: احنا داخلين على رمضان وانا عارفة عاشور وهو شخصية محترمة جدًا بس اخوه كداب، وبتمنى اخوه يطلع يقول، وبعد كده كان في بوست نازل وحد من الفانز قالك ريهام البارودي بالنسبالك ايه قولتيله ماتت بالنسبالي، وبابا كلمني قالي ليه ريهام قالت كده، وكلمت الشخص ده قالي هي زعلانة عشان زينة ودخلنا في موضوع تاني، زعلانة عشان مضت المسلسل الجديد مع زينة، قولتله هي زعلانة من ايه وكان هادي فـ ابتدا ينرفزني اوي، انا عارفاكي شخصيًا لا يمكن اقول عليكي كلمة "الفا*رة" وقولت اذا خاصم فجر، بس اللي نزل للوطن العربي غير الواتساب الحقيقي وكان مونتاچ، وبعد ما خلصت المكالمة راح احمد الهواري قالي امسحي الفويسات دي بسرعة ومكنتش متوقعة انه هيسمع الوطن العربي كله، واكيد اللي بيتعدى حقوقه، واللي اتقالك كذب واحمد الهواري يشهد لحد دلوقتي. 

وأضافت ريم: ده شتام وبيجيب أعراض الناس، وغلطان وقليل الأدب. 

أزمة ريهام سعيد وريم البارودي

جدير بالذكر، أنه بدأت عند تسريب مقطع صوتي للفنانة ريم البارودي على مواقع التواصل الاجتماعي قالت فيه: «جزمة زينة برقبة ريهام سعيد أنت بتقارن مين بمين؟ دي بينطبق عليها إذا خاصم فجر.. دي واحدة فاجرة ومكروهة ربنا أداها كل حاجة وسلب منها كل حاجة.. خليها كدا ربنا بيعذبها أكتر وأكتر اللهم لك الحمد أنا عندي ناس زي الفل حواليا».