الليلة.. عرض أولى حلقات مسلسل كامل العدد بطولة دينا الشربيني

تنطلق اليوم أولى حلقات مسلسل كامل العدد للنجمة دينا الشربيني وذلك حصريًا على منصة شاهد.

تحيا مصر يرصد موعد انطلاق أولى حلقات مسلسل كامل العدد.

مسلسل كامل العد

وقالت دينا الشربيني: "جايين بدري شوية، بس من النهارده مسلسل كامل العدد هتلاقوه على منصة شاهد، وتخيلوا بقى أم لأربع أطفال هيحصل معاها ايه".

وطُرحت الأغنية الرسمية لتتر مسلسل "كامل العدد" للنجمة دينا الشربيني، والتي حملت عنوان "جامدة" للمطرب مصطفى حجاج.

شخصية دينا الشربيني في مسلسل كامل العدد

وتلعب النجمة دينا الشربيني خلال أحداث المسلسل دور ليلى تيمور وهي أم لأربعة أطفال تعيش قصة حب، وفي الوقت نفسه تواجه أزمة الزواج في سن صغير، لنكتشف مفاجآت عديدة تخص أطفالها وحياتها الزوجية.

قصة مسلسل كامل العدد

وتدور أحداث المسلسل في إطار اجتماعي لايت كوميدي، ومسلسل كامل العدد لدينا الشربيني بطولة شريف سلامة، آية سماحة، أحمد كمال، أحمد جمال سعيد، جيهان الشماشرجي عمرو جمال، والفنانة القديرة إسعاد يونس، المسلسل من تأليف يسر طاهر، رنا أبو الريش ومن إخراج خالد الحلفاوي.

وحكت دينا عن طفولتها التى وصفتها بالسعيدة، وعن محاولاتها لدخول عالم التمثيل، وقالت: "لازم الواحد يحاول ويجرب ويعرف.. أهلى مارضيوش يدخلونى معهد سينما، فأخدت كورسات تمثيل، دخلت إعلام واشتغلت مذيعة وعرفت الكاميرا وإزاى ماخافش منها".

وعن مفهومها عن القوة، قالت: "خد وقت لما تقع أو تنكسر، لكن لازم تكون قوى وتعرف تقوم مرة تانية.. هو ده مفهوم القوة بالنسبة لى"، وعن الحب قالت: "أنا بحب الحب، بحب الإحساس نفسه، وبشوفه إحساس جميل، لكن فى النهاية ممكن يوجعك فى الآخر"، كما أكدت أنها لا تشعر بالندم وصرّحت "مابحبش الندم.. ممكن اتعلم من اللى حصل ..عشان لو رجعت تانى لنفس الموقف ونفس الوقت هعمله تاني"، كما صرّحت أيضًا أنها تكره الكذب والخيانة، وأنهما شيئان لا يمكن أن تسامح فيهما.

وقالت دينا الشربينى أنها لا تحب الرد على الشائعات حيث صرّحت "أنا فى حياتى بسيب اللى بيتكلم يتكلم، ومش بخرج أكدّب وأقول إن ده مش حقيقي.. مش عايزة أقعد أركز فى كلام الناس، أسيب الناس اللى فارقالى اللى هم أهلى وأصحابى" وعن أسعد لحظاتها قالت "وقوفى على المسرح كان من أحسن الحاجات اللى حستها فى حياتي.. فرحة وأدرينالين خلانى اسأل أنا ليه ماجربتش مسرح قبل كدة".

وأجابت دينا الشربينى عن أكثر ما تخاف منه وقالت "بخاف من الوحدة والموت"، كما أرسلت رسالة لأهلها "عايزة أقول لأهلى إن أنا بحبهم جدًا جدًا وهم أغلى حاجة فى حياتي، ولازم نقول كدة لكل اللى بنحبهم، عشان هييجى وقت هنتمنى لو ترجع نص ثانية نقضيها معاهم"، وعن كلماتها الأخيرة قالت "سامحونى وادعولي"

وقالت خلال الحلقة "كنت طفلة شقية وعندية وزنانة، وبقول يا رب لو خلفت عيال ما يطلعوش زنانين، بس أكيد ربنا هيردهالى".