تامر هجرس يسترجع ذكريات الجامعة بصورة قديمة: أوقات حلوة

شارك الفنان تامر هجرس متابعيه صورة يسترجع بها ذكريات الجامعة، وذلك عبر حسابه الرسمي بموقع تبادل الصور والفيديوهات الشهير انستجرام. 

تحيا مصر يرصد لكم تفاصيل اخر منشورات تامر هجرس 

تامر هجرس في الجامعة 

ونشر تامر هجرس صورة عبر خاصية ستوري ظهر فيها وهو مرتدي زي التخرج وسط أصدقائه، وعلق: أجمل أوقات. 

وكان قد حل تامر هجرس ضيفًا على برنامج أسألني الذي يذاع على الصفحة الرسمية لقناة سي بي سي عبر موقع التواصل الاجتماعي فيسبوك، وأثناء الحلقة تحدث هجرس عن الكثير من الأمور التي تخص حياته الشخصية والمهنية.

أبرز تصريحات تامر هجرس في برنامج أسألني

ـ فلوس الفن بتأكل عيش أوي، إنك تعمل عمل واحد في السنة وتقدر بفلوسه تبقى عايش طول السنة، دا يبقى حلو جدا نعمة

ـ معنديش مشكلة أن بناتي يمثلوا، ورسالتي ليهم أن إيمانكم بربنا هو قوتكم

ـ لو هعمل سيرة ذاتية لفنان هيكون عمر الشريف، وإيناس كانت دايما تقولي أني ساعات في الكلام بيجيلك النبرة بتاعت عمر الشريف

ـ إيناس الدغيدي اللي في قلبها على لسانها، ملهاش كبير، ودي حاجة بحبها جدا

ـ في فيلم التجربة الدنماركية كنا بناكل أكل هيستيري قد الأكل دا وأكتر كمان، ولو كنا مش فطرانين كنا بناكل اللي في المشهد على طول

ـ عندي جدة من سوريا وجدة من إنجلترا بس أبويا وأمي مصريين

ـ وعندي جنسية تانية بس مش هقول، وبتكلم إنجليزي وعربي وبفهم فرنساوي

ـ واتعلمت إسباني وبمشي حالي يوناني

ـ بحس وسامتي وسامة قلب مش أكتر

ـ لو هعيد فيلم لعادل إمام هيبقى المشبوه

تامر هجرس في برنامج الستات 

وفي وقت سابق، تحدث الفنان تامر هجرس عن دور المرأة ومدى تأثيرها في العلاقات أكثر من الرجل، وذلك خلال لقائه ببرنامج الستات ميعرفوش يكدبوا. 

وقال تامر هجرس: الراجل بيكمل بوجود الست في حياته، اكتر من العكس.. بحس الراجل بجد راحة باله التامة برضا المرأة اللي في حياته، بعد رضا ربنا اولًا.

وتابع: الملخص لو هي مبسوطة أنت هتكون مبسوط.