تامر حسني عن نجل محمد ثروت بعد إصابته بمرض مناعي نادر: نفسيته في أعلى درجات الرضا

وجه المطرب تامر حسني رسالة دعم لـ المخرج والفنان أحمد ثروت نجل الفنان محمد ثروت، وذلك بعد بعد إصابته بمرض مناعي نادر "ميلر فيشر" وسفره للعلاج بالخارج، كما كشف عن تفاصيل المكالمة التي دارت بينهم.

تحيا مصر يرصد في ذلك التقرير رسالة تامر حسني لـ نجل محمد ثروت

تامر حسني يدعم نجل محمد ثروت

ونشر تامر حسني عبر حسابه الرسمي بموقع تبادل الصور والفيديوهات "انستجرام" فيديو لـ أحمد ثروت نجل الفنان محمد ثروت، وعلق عليه: “أحمد ثروت صديقي وابن الفنان الغالي اوي المطرب الكبير محمد ثروت بمنتهي الحب والرضا والإيمان تقبل محنه كبيرة من ربنا انه يصاب بمرض نادر يأثر على رجله وميمشيش، وكان بيحضر لزواجة، وفي كلامي معاه قولتله انا كنت بكلمك اهون عليك والحقيقة لاقيته مش محتاج”.

تامر حسني عن نجل محمد ثروت: نفسيته في أعلى درجات الرضا وبيهزر ومبسوط

وتابع حديثه، قائلا: “هو من إيمانه بقضاء ربنا مهون على نفسه ونفسيته في أعلى درجات الرضا بيهزر ومبسوط، قولتله بأيدك تحول المحنه لمنحه وقالي أنا بعمل كده دلوقتي وفاهم الاختبار كويس وهنجح فيه وهخف وهمشي تاني على رجلي وفضل يحكي طول المكالمة عن حب أسرته واهتمامهم بيه واخلاص خطيبته وقد ايه الموقف بين معدنها الأصيل وازاي بتسانذه وبتسهر على رحته  طول الوقت، انا كمان بشكرهم وبشكرها جدا وبحييها على قلبها وتربيتها الأصيلة".

واختتم تامر حسني حديثه: “ربنا يشفيك يا أحمد ويفرح قلبك بقدر ثقتك العظيمة في ربنا، الثقة العظيمة الي انا شوفتها النهاردة وافرح معاك في فرحك قريب ان شاء الله، ادعوله معايا يا شباب ربنا يشفيه ويشفي كل مريض”.

تامر حسني وأحمد أدم

من ناحية أخرى، تصدر تامر حسني حديث مواقع التواصل الإجتماعي منذ أيام، وذلك بعد حديث أحمد ادم عليه في برنامجه الجديد “أدم شو”، المذاع على قناة الحياة، وذلك بعدما خصصه أدم بالحديث للكشف عن تأثير التريند والسوشيال ميديا على الناس، حيث انتشر التعليق السلبي لـ أحمد ادم على مواقع التواصل الإجتماعي، والذي قال به: مش كفاية كدا على تامر حسني، هما شويتين وخلصوا، أول لما طلع فتح القميص، وعمل شوية أغاني تعبانة وإسفاف، والأفلام اللي بيعملها وحشة جدًا، ايه اللي يجيبوا لأنور وجدي دا.

وعلق تامر حسني على هذا الأمر، فقال: أستاذ احمد آدم فعلاً بيدي درس حقيقي بيشرح فيه سمات العصر الحالي اللي كلمة تريند فيه جننت عقول بعض الناس و خليتهم يبيعوا مبادئهم و صداقتهم و امانتهم لمجرد ان الناس تعرفهم او تتكلم عليهم و لو ليوم واحد و نسيوا انه لا يصح الا الصحيح عشان ده عدل ربنا … و اي افاقين مع الوقت هتلاقيهم بيختفوا و المحترم الحقيقي هو اللي بيستمر اصل لما نهتم و نرد على كل كداب امال اللي بيحبونا نعمل معاهم ايه؟.