عميل اورنج orange يشكو: "معندهمش مبادئ مهنية"

 اشتكى عميل اورنج orange من سوء الخدمات المقدمة من الشركة، واصفًا أياها بعد المهنية والاحترام، وينشر تحيا مصر كافة التفاصيل عن شكوى عملاء اورنج orange المختلفة.

عميل اورنج orange يعلق: "هشتكيكم للجهاز القومى لتنظيم الاتصالات"

عميل اورنج orange يشكو: "أسوأ شركة مش عارف أحل مشكلتي"

خدمات اورنج orange

وقال أحد عملاء اورنج في منشور على موقع "فيسبوك"،: "الشركة الكسر اللي معندهمش مبادئ مهنية ولا احترام".

وأضاف:  "كل شهر اجي ادفع فاتورتي من على الابليكيشن يهنج و اعمل شكوى و متتحلش وأفضل ألف  حوالين نفسي لحد ما يقطعوا الخط و اكلمهم اعمل شكوى تاني يفتحوا الخط  اضطر اروح الفرع عشان ادفع الفاتوره والشهر اللي بعده نفس الوضع واعمل شكوى فا يقولولي اصلك معملتيش شكوى قبل كده و مش باين على السيستم وعلى نفس الحال شهور".

عملاء اورنج 

واستكمل: "لحد انهاردة نفس القصة  اكلمهم يقولولي تحديث أنظمة، هنشغلك الخط أسبوع لحد ما تقدري تدفعي على الابليكيشن أو تروحي فرع أو يتخصم من كارت الديبيت أو الكريديت مباشر او عن طريق حسابي اللي لازم يكون في بنكين مليش فيهم حساب اصلا وده بعينهم".

وتابع: "لأن الانترنت اللي هو حاجة عبيطة بتتسرق وزادت بعد ما حولت من ايجل لبريمير !! اقوم أنا أديهم بيانات كروتي ويخصموا منها مباشر".

وأضاف: "اللي زاد وغطى بقى اني اكتشفت ان اتسرق من نقطي أكثر من 25 ألف نقطة وأكلمهم يقولولي البيانات مش باينة عشان تحديث الأنظمة".

اورنج orange

وعلق: "أقولها طب التحديث هيخلص امتى، تقولي معنديش وقت محدد طب يا بنتي ابتديتوا تحديث أو مشروع وأنتوا معندكوش time frame إزاي.. تقولي معنديش وقت بس إحنا شغالين".

واختتم: "حاجة في منتهى الاستهتار وعدم المهنية بوقتنا وفلوسنا، أنتوا أثبتوا أن بجد مستواكم من سىء لأسوء".