عميل اورنج orange يعلق: "هشتكيكم للجهاز القومى لتنظيم الاتصالات"

علق أحد عملاء اورنج orange على الخدمات التى توفرها الشركة، مشيرًا إلى تقديم شكوى في الجهاز القومي لتنظيم الاتصالات وجهاز حماية المستهلك، لنفاذ رصيده من اورنج orange دون استهلاكهم، وينشر تحيا مصر كافة التفاصيل عن خدمات اورنج والشكوى المقدمة.

عميل اورنج orange يشكو: "أسوأ شركة مش عارف أحل مشكلتي"

عميل اورنج يعلق: "مبعرفش أجامل أنا متضرر"

 عملاء اورنج orange

قال عميل اورنج في تعليق عبر صفحة الشركة الرسمية على موقع "فيسبوك"،: "أنتوا شركة حسبى الله ونعم الوكيل فيها Orange Orange الجهاز القومى لتنظيم الاتصالات (مصر) جهاز حماية المستهلك لما اتعاقد من يوم 4-3 وامضى استمارة الحجز واستلم الراوتر فائق السرعة".

وأضاف: "وكل يوم اتصل كذا مرة بيكم واخلص رصيدى على مكالماتكم وكل مرة احنا اسفين - فيه تحديث للسيستم - واخرها أنت مش باين عندنا نهائى ولا باين انك مضيت استمارة حجز ولا استلمت راوتر وروح تانى امضى استمارة طب يا جماعة الوكيل اللى انا اشتركت من خلاله بعتلكم ايميلات كتير وانا فى الفرع بتاعكم الموظف خلصلى كل حاجة وبعتلكم ايميلات وسلمنى الراوتر وبعت السريال بتاعه كمان وفى الآخر برضة مش هانشغلك انت مش باين عندنا وبقالى 10 ايام من غير نت والراوتر زى حتت الحديدة انا إعمل إية بجد حسبى الله ونعم الوكيل".

وتابع: "الخط ما اتحجزش من شركتكم اللى المفروض أنها محترمة هاروح احجز مع اتصالات أو وى والراوتر بتاعكم دة هاعتبره هدية مقبولة كمان وشكرا - أوعى حد يشترك فى اورانج لانها شركة غير مسئولة بالمرة . وحتى الآن مفيش موظف عرف يحل مشكلتى اللى هى بسببكم برضه من يوم 4 مارس وانا منتظر تشغيل الخدمة وللأسف داخلين فى منتصف الشهر ولا حياه لمن تنادى وأنا اللى بجرى وراكم حسبى الله ونعم الوكيل Orange الجهاز القومي لتنظيم الاتصالات – مصر".

خدمة عملاء اورنج

ورد موظف خدمة عملاء اورنج orange على الشكوى، قائلاً: "بالفعل بيتم المتابعة من خلال الرسائل عشان نضمنلك أحسن خدمة ولو فى أى استفسار تانى ممكن تبعتهولنا عشان نساعدك".