أول رد من زوج علا غانم على تصريحاتها: عيشت 17 سنة مخدوع فيها

خرجت رجل الأعمال عزيز حسن، زوج الفنانة علا غانم للرد على تصريحاتها الأخيرة التي كشفتها أمس خلال ضيافتها في برنامج “صبايا الشمس” الذي تقدمه الإعلامية ريهام سعيد على شاشة قناة الشمس.

تحيا مصر يرصد في ذلك التقرير أول رد من علا غانم بعد تصريحاتها الأخيرة

زوج علا غانم: عمري ما هرضى أعيش مع واحدة مش زوجة ليا

وقال زوج علا غانم خلال لقائه بـ موقع تحيا مصر: "كرست حياتي كلها ليها ولأولدها وعيشت معاها 17 سنة مخدوع فيها، كانت بتقولي بحبك وهنعمل حاجات كتير مع بعض، وأول مرة أسمع إننا كنا أصدقاء مش زوجين.

وتابع حديثه: عمري ما هرضى أعيش مع واحدة من غير ما أبقى زوجها مع الأقل كنت اتجوزت واحدة تانية، لو مش بنام جنب مراتي هقعد معاها ليه؟، عشان تصرف عليا زي ما بتقول.

زوج علا غانم عن علاقته بأولادها: كانوا زي ولادي وكنت مسؤول مسؤولية كاملة عنهم

وعن تصريحتها بشأن تغيره مع أولادها، فقال رجل الأعمال عزيز: “عمري ما اتغيرت مع أولاد علا ومازلت لأني بعتبرهم أولادي ووالد البنات أنا أخدت منه المسؤولية على الأولاد دول سنة 2006 ومضيت في السفارة الأمريكية اني مسؤول عنهم مسؤولية كاملة وأنا المسؤول القانوني ليهم”.

تصريحات علا غانم عن علاقتها بزوجها

وسبق وقالت علا غانم عن زوجها عزيز لبيب: أنا مش عيزاه ورفضاه أنا مبحتهوش جوازي منه كان قرار ومش زعلانة على عمري اللي ضاع وأنا حققت حاجات كتير مهمة نفسي ونجاحات في شغلي وعلا الست انا لغتها من زمان، يمكن عشان بيقولولي انت ست جامدة دايما وأنا مش محتاجة الراجل في حياتي.

وتابعت: خلاني أبيع بيتي من غير ما أعرف ونصب عليا والأذية مبقتش خيانة وكذب بس، أنا كنت وصلت لدرجة إنه مش عيزاه يلمسني وفيه ستات كتير جدا بتتخان وأما كنت بواجهة كان بيتهمني بالجنون فوصلت لحالة تبلد وسنين مكنتش بخرج معاه لأني لما كنت بخرج معاه كان بيبص على الستات مكنتش بغير عليه ولا فيه مشاعر ولا أي حاجة وبقى طلب الطلاق منطقي لأن مفيش حياة.