علا غانم عن زوجها: مكناش عايشين مع بعض وكنت عملاله مرتب 7 ألاف دولار

كشفت الفنانة علا غانم تصريحات صادمة عن زوجها رجل الأعمال عزيز حسن، وذلك خلال حلولها ضيفة على برنامج “صبايا الشمس” مع الإعلامية ريهام سعيد.

تحيا مصر يرصد في ذلك التقرير تصريحات علا غانم في برنامج صبايا الشمس

علا غانم: عيشت معاه 7سنين اصحاب ومكناش زوج وزوجة

قالت علا غانم: في 2018 جوزر نصب عليا وكتب البيت باسمه، وكنا اصحاب بس مكناش زوج وزوجة، ولحد دلوقتي مش عارفة أطلق، وبقالي سنتين رافعة خلع ومن 5 سنين طلاق للضرر وبعدها دخلنا تفاوضات معاه وكنا أصدقاء بيساعدني في شغلي عشرة 13 سنة وكنا صحاب.

علا غانم: انا مش عايزاه ورفضاه ومحبتهوش

وأضافت: أنا مش عيزاه ورفضاه أنا مبحتهوش جوازي منه كان قرار ومش زعلانة على عمري اللي ضاع وأنا حققت حاجات كتير مهمة نفسي ونجاحات في شغلي وعلا الست انا لغتها من زمان، يمكن عشان بيقولولي انت ست جامدة دايما وأنا مش محتاجة الراجل في حياتي.

وتابعت: خلاني أبيع بيتي من غير ما أعرف ونصب عليا والأذية مبقتش خيانة وكذب بس، أنا كنت وصلت لدرجة إنه مش عيزاه يلمسني وفيه ستات كتير جدا بتتخان وأما كنت بواجهة كان بيتهمني بالجنون فوصلت لحالة تبلد وسنين مكنتش بخرج معاه لأني لما كنت بخرج معاه كان بيبص على الستات مكنتش بغير عليه ولا فيه مشاعر ولا أي حاجة وبقى طلب الطلاق منطقي لأن مفيش حياة.

علا غانم: مكناش عايشين مع بعض وكنت عملاله مرتب 7 ألاف جنيه

واستكملت حديثها: في 2022 طلبت منه الطلاق وهديك حصة في الشركة بتاعتي ودخل في تفاوض معايا واتفقنا على إنه ياخد 16% في مقابل الطلاق وخلاص أصبحنا منفصلين، بعد ما خدنا الأوتيل وخد حصته قولتله يلا نطلق رفض لكن أنا كنت ممضياه وفضل يقولي انتي حب عمري وخدت ده على قفايا وفضلت مستمرة في قضية الخلع.

واختتمت: احنا مكناش عايشين مع بعض أنا كنت مأجراله بيت وعملاله مرتب 7 ألاف دولار ومكنش عايش معايا في نفس البيت وعربيته وكل حاجة خاصة بيه أنا اللي بدفعه كان بيصعب عليا وسيباه عشان مكنش ليه مكان يعيش فيه اللي عيشته الشهر اللي فات هي دي الجريمة والكابوس اللي مش قادرة أصدقه.