محمد الشرنوبي: وزير الإعلام السابق قالي أنا فخور بيك

كشف الفنان المصري محمد الشرنوبي عن بداياته الفنية متحدثًا عن نجاح أغنية مين فينا، وذلك خلال إحدى اللقاءات التليفزيونية.

تحيا مصر يرصد تصريحات محمد الشرنوبي.

تصريحات محمد الشرنوبي

وقال محمد الشرنوبي: أنا بدأت التمثيل الأول بمسلسل في إيد أمينة مع يسرا، وفي ناس كتير لغاية دلوقتي فاكراني أني كنت بغني الأول.

وتابع: وأنا صغير طلعت حلقة في برنامج البيت بيتي، وبعدها وزير الإعلام السابق أنس الفقي طلبني وقالي أنا فخور بيك وفرحان بيك جدًا وأعطني مكافأة.

وأضاف: كنت ملحن أغنية مين فينا وكانت معمولة لمسلسل، ولكن عطل وأصالة سمعتها وقالتلي ممكن أغنيها معاك، وكانت أول أغنية أصلية بتاعتي، وحلقة عمر خيرت في صاحبة السعادة فرقت معايا، وأول انطباع بيتاخد مني من الجمهور أني تنك.

محمد الشرنوبي يشيد بمسلسل بالطو

أشاد الفنان محمد الشرنوبي، عبر حسابه بموقع التواصل الاجتماعي فيسبوك بمسلسل «بالطو»، والذي حقق نجاحا كبيرا في أول حلقات من عرضه.

وكتب محمد الشرنوبي قائلا: «مسلسل بالطو عمل فني مشرف جدا للصناعة كل حاجة مظبوطة لصناع معظمهم أول مرة يقدموا مسلسل، اتفرجوا على المسلسل ده واستمتعوا بأول حلقتين اللي تحس أنهم فيلمين مش حلقتين من مسلسل، سكريبت قوي جدا و مُحكم جدا ودمه خفيف جدا، أحمد عاطف ومخرج محترف وعارف، هو بيعمل إيه وبيستعرض عضلاته، وفي نفس الىقت تحس إنه سايب إيده».

وأضاف: «كل الممثلين معاه مختلفين وجامدين حتى اللي رايح يقول جملة عمر المهندس، العناصر كلها لايقة على بعض، موسيقى حلوة جدا، وجديدة ولايقة على المسلسل محمد أبو ذكري وصورة حلوة جدا، وألوان ذوقها حلو شريف جلال».

واختتم: «أخيرا براڤو لكل الممثلين الشاطرين وأولهم عصام عمر اللي أول مرة يبقى شايل المساحة دي وباين وأوي أنه قد المسئولية ومذاكر وحاسس وحضوره خطير ماشاء الله، حقيقي حاجه تفرح ومسلسل يفرح، شكرا ليكوا كلكم على المجهود والذوق والشطارة دي ومستني باقي الحلقات بفارغ الصبر».

محمد الشرنوبي في معكم منى الشاذلي

أوضح الشرنوبي خلال حواره مع الإعلامية منى الشاذلي في برنامج «معكم منى الشاذلي»، على قناة cbc، أنه رفض البدء بالغناء قبل التمثيل، لأنه كان يريد الابتعاد عن مجال عمل أبيه، قائلا: «كان عندي قناعة إن لو غنيت الأول الناس هتقول إن أبويا اللي خلاني أدخل الوسط، فا كنت عاوز أمثل وتبقى حاجة بعيدة عن الحتة اللي أبويا بيعملها، عشان أبقى بنيت نفسي بنفسي.. كنت أوفر أوي وعملت جوا نفسي صراع ملوش لازمة».

تابع أنه بالفعل أجرى العديد من اختبارات الأداء في التمثيل، حتى تم اختياره في مسلسل «في إيد أمينة» مع الفنانة يسرا، مضيفا: «روحت أودشنز كتير ولفيت لفة محترمة لحد ما اشتغلت مع أستاذة يسرا، ومن بعدها تتابعت المشاركات».

وعن مشاركته في مسرحية «ياما في الجراب يا حاوي»، أشار محمد الشرنوبي إلى أنه وافق عليها بدون قراءة النص، قائلا: «أول ما عرفت إن المسرحية للدكتور يحيى الفخراني وافقت بدون ما اقرأ، يكفي إني هقف جنبه».