ريهام سعيد تطلب الدعاء لـ البلوجر سارة: هي في أشد الحاجة

طلبت الفنانة والإعلامية ريهام سعيد من متابعيها الدعاء للبلوجر سارة محمد، بسبب خضوعها لعملية صعبة نسبة نجاحها أقل من 5%. 

تحيا مصر يرصد لكم تفاصيل أخر منشورات ريهام سعيد 

ريهام سعيد والبلوجر سارة محمد

ونشرت ريهام سعيد صورة للبلوجر سارة، معلقة: ارجو تكثيف الدعاء لها الساعات القادمة هي في أشد الحاجة. 

وكان قد تصدر المطرب الشعبي ابو الشوق تريند موقع الفيديوهات يوتيوب بعد طرح أحدث أغانيه التي يحكي فيها قصة البلوجر سارة محمد قبل أيام.

أغنية قصة البلوجر سارة محمد 

وحققت الأغنية 104 الف مشاهدة بعد 48 ساعة من طرحها عبر قناته الرسمية، واستحوذت على المركز التاسع بيوتيوب

وجاءت التعليقات على الأغنية: برافو عليك يابو الشوق، ربنا يشفيكي يا سارة ويقومك بالسلامة، جسمي قشعر من كل كلمة، وغيرها من التعليقات. 

خطيب البلوجر سارة في حواره مع تحيا مصر 

ويذكر، أن أثيرت حالة من الجدل بعد إتهام خطيب البلوجر سارة محمد  بتركها بعد الحادث الذي تسبب في فقدها بصرها أثناء عودتهم في السيارة على طريق إسكندرية، وأجرى تحيا مصر  حوار مع خطيب سارة  ليوضح فيه الحقيقة الكاملة.

أوضح خطيب البلوجر سارة محمد حقيقة علاقتهم ليرفع عن نفسه الحرج وقال: "إحنا كنا سايبين بعض ولسة راجعين لبعض قبل الحادثة ومرجعناش بشكل رسمي إحنا كنا بنتكلم من غير ما يبقى فيه خطوبة وأهلها عارفين وسارة كانت معايا كل يوم بشوفها وبنتقابل واحنا أصلا جيران والبلكونة جنب البلكونة".

وتابع حديثه :"أهلها مرضيوش يدخلونا من الباب قعدنا عند الجيران وهما عارفين كل حاجة وحاولنا نرجع الدنيا ولكن باباها رفض علشان فيه خلافات بيني وبين والدتها، وقالي صلح الدنيا ونكتب الكتاب وأنا قولته مش دلوقتي لما نفوق من الصدمة وإزاي هكتب قايمة وأنا مشوفتش حاجة ولو هكتب الكتاب احنا من دماغنا اللي هنقرر مش حد هيفرض علينا نعمل كدة" ، كما أكد أنه حاول أن يصل لها بكل الطرق ولكن هناك من سعى للإيقاع بينها وبينه.

وعبرت والدة مصطفى خطيب البلوجر سارة محمد عن حبها الشديد لسارة وقالت: سارة دي أنا بحبها دي بنتي أنا مخلفتش بنات وهي بنتي ، وأول ما شوفتها في المستشفي لما روحت إترميت عليها، ومامتها وباباها دخلو المستشفى ولا كأن بنتهم اللي عاملة حادثة كانو داخلين عادي خالص".