بحفل ذكريات.. عمرو دياب يتصدر تريند يوتيوب بـ رصيف نمرة خمسة

تصدر الهضبة عمرو دياب تريند موقع الفيديوهات يوتيوب بعد غناء أغنية رصيف نمرة خمسة في حفل ذكريات مع الموسيقار هاني شنودة أمس. 

تحيا مصر يرصد لكم تفاصيل تصدر عمرو دياب التريند 

عمرو دياب ورصيف نمرة خمسة

وحقق الفيديو الخاص بالأغنية بعد عرضها أمس بشكل مباشر، حوالي 102 الف مشاهدة كما استحوذت على تريند رقم 11. 

وجاءت التعليقات على الاغنية: لسه صوتك زي ماهو، دي تحفة اوي، هضبة بجد على فكرة، وغيرها من التعليقات. 

كلمات اغنية رصيف نمرة خمسة 

وتقول بعض كلمات الاغنية: 

رصيف نمرة خمسة والشارع زحام
وساكت كلامنا ما لاقي كلام
تسالي يا خال تدخن يا عم
تتوه المعاني في لسان اللجام

كلاكس الترلي بيسور وداني
وشحتة المزين بياكل وداني
يا نادي باريس تعالى وحاسبني
وجدول ديونه عشانه وعشاني

وعبد الله رشدي محامي قدير
بيرفع قضية في باب الوزير
على عم فكري بتاع البلبلة
عشان مرة زعق بصوته الجهير

بقالة الامانة ونصحي السروجي
عمالين لي شركة في مشروع بوتيك
ونادوا لعبدو الفرارجي يشاركهم
فرد بالاطة محبش شريك

وجت وقعة سودة في سوق الامام
عشان عم لامعي بتاع الحمام
مقدرش يوصل لاي اتفاق
مع سبع افندي في قضية سلام

واطفال عجايز في نبد الطفولة
وافلام قديمة واعلان كاكولا
تبزنس تعيش لاخر حياتك
ولو باعوا فرخة هتاخد عمولة

ترماي بسنجة في روض الفرج
واعمار تعدي لا يجي الفرج
ولا البحر باين لاخره مراسي
ولا حد راسي منين الفرج

رسالة عمرو دياب لـ هاني شنودة

كما أعرب الفنان عمرو دياب عن سعادته الشديدة بتكريم الموسيقار هاني شنودة، وذلك خلال حفل تكريم هاني شنودة، قائلًا: النهارده يوم مميز جدًا بالنسبالي، أنا المسرح ده بقالي 3 سنين باجي أغني عليه، هاني شنودة شغله الكتير، اللي كان في فرقة المصريين والموسيقى التصويرية في التلفزيون

وتابع : هاني شنودة كان بيقدمني في الإذاعة وعرفني على صلاح جاهين، وروحنا للبيت عندهم، وفي البداية ده أفادني بحياتي، وبشكرك على التاريخ بتاعي، وكان أول أغنية غنيتها ودخلنا فيها الاستوديو هي الزمن، كويس إن أنا فاكرها.

وكان قد قدم عمرو دياب مع الفنان محمد منير أغنية أمي الحبيبة وذلك على مسرح أبو بكر سالم، حيث كانت أغنية "أمي الحبيبة" ضمن أحداث مسلسل حمل نفس الاسم تم تقديمه عام 1982، وشارك في بطولته أمينة رزق، ومن كلمات سمير الطائر، وغناها محمد منير، وبعد فترة طلب عمرو دياب هو الآخر غنائها، ووافق شنودة على ذلك، وقدماها سويا.