بشرى: في ناس بيحاولوا يهدوا الفنان ويضربوه في ضهره

أدلت الفنانة  بشرى بعدد من التصريحات خلال ندوة النجمة نبيلة عبيد بمهرجان أسوان السينمائي الدولي لأفلام المرأة.

تحيا مصر يرصد تصريحات بشرى

بشرى بندوة نبيلة عبيد

وقالت بشرى، خلال الندوة: أنا دمعت من حزني على حالنا، شوفت جمال ورقي نبيلة عبيد وهي بتحكي عن جمال المشوار، وإن إزاي في ناس عندهم وعي ومثقفين، مش في ناس بيحاولوا يهدوا الفنان ويضربوه في ضهره زي ما بنشوف.

وتابعت: المنتج زمان كان إنتاجه من جيبه، دلوقتي إحنا عبيد للمنصات، هنخيط العمل ونظبطه على مقاس اللي هيشتريه، زمان نبيلة عبيد اتعاملت مع مخرج أو منتج عايز ينتج لـ نبيلة، دلوقتي بقا مولد وصاحبه غايب.

بشرى تشيد بالهضبة عمرو دياب

كشفت الفنانة بشرى عن رأيها في حديث الفنان تامر حسني على الفنان عمرو دياب الذي قاله في إحدى البرامج حيث أكدت أن الفنان عمرو دياب ملهم.

وأضافت في تصريحاتها مع برنامج the insider بالعربي :«الفن في الوطن العربي أجيال، في أجيال بتطلع الأول، وأجيال تأتي بعدها وتستلهم وتتعلم منها».

وتابعت:«عمرو دياب ملهم، كاظم الساهر ملهم، محمد منير ملهم فطبيعي يكون هناك علاقة تكامل واستمرارية، كلنا في النهاية نرفع لواء الفن العربي».

وأردفت:«عجبني تعليق الفنان تامر حسني على لقاءه مع عمرو دياب في فرح الفنان أحمد عصام، وعجبني اختياره لكلماته».

بشرى توجه رسالة للفنان تامر حسني

واستطردت الفنانة المصرية بشرى قائلة:«أحب أقول لتامر حسني أجهز يا تامر عشان نقدم الفيلم الميوزيكال اللي تردننا في تقديمه بقالنا فترة، وفيه ناس كتير تتمنى تشوفنا فيها، وعمرو دياب في القلب قاعد مربع، وهو الملهم لينا، وإحنا بنكمل وسط كل الاحباطات عشان هناك مثل أعلى اسمه عمرو دياب».