تصدرت يوتيوب.. مطرب شعبي يغني قصة البلوجر سارة محمد بطريقة مؤثرة

تصدر المطرب الشعبي ابو الشوق تريند موقع الفيديوهات يوتيوب بعد طرح أحدث أغانيه التي يحكي فيها قصة البلوجر سارة محمد قبل يومين.

تحيا مصر يرصد لكم تفاصيل أغنية البلوجر سارة محمد 

تفاصيل أغنية البلوجر سارة محمد 

وحققت الأغنية 104 الف مشاهدة بعد 48 ساعة من طرحها عبر قناته الرسمية، واستحوذت على المركز التاسع بيوتيوب. 

وجاءت التعليقات على الأغنية: برافو عليك يابو الشوق، ربنا يشفيكي يا سارة ويقومك بالسلامة، جسمي قشعر من كل كلمة، وغيرها من التعليقات. 

خطيب البلوجر سارة في حواره مع تحيا مصر 

ويذكر، أن أثيرت حالة من الجدل بعد إتهام خطيب البلوجر سارة محمد  بتركها بعد الحادث الذي تسبب في فقدها بصرها أثناء عودتهم في السيارة على طريق إسكندرية، وأجرى تحيا مصر  حوار مع خطيب سارة  ليوضح فيه الحقيقة الكاملة.

أوضح خطيب البلوجر سارة محمد حقيقة علاقتهم ليرفع عن نفسه الحرج وقال: "إحنا كنا سايبين بعض ولسة راجعين لبعض قبل الحادثة ومرجعناش بشكل رسمي إحنا كنا بنتكلم من غير ما يبقى فيه خطوبة وأهلها عارفين وسارة كانت معايا كل يوم بشوفها وبنتقابل واحنا أصلا جيران والبلكونة جنب البلكونة".

وتابع حديثه :"أهلها مرضيوش يدخلونا من الباب قعدنا عند الجيران وهما عارفين كل حاجة وحاولنا نرجع الدنيا ولكن باباها رفض علشان فيه خلافات بيني وبين والدتها، وقالي صلح الدنيا ونكتب الكتاب وأنا قولته مش دلوقتي لما نفوق من الصدمة وإزاي هكتب قايمة وأنا مشوفتش حاجة ولو هكتب الكتاب احنا من دماغنا اللي هنقرر مش حد هيفرض علينا نعمل كدة" ، كما أكد أنه حاول أن يصل لها بكل الطرق ولكن هناك من سعى للإيقاع بينها وبينه.

والدة مصطفى خطيب سارة: دي بنتي التانية 

وعبرت والدة مصطفى خطيب البلوجر سارة محمد عن حبها الشديد لسارة وقالت: سارة دي أنا بحبها دي بنتي أنا مخلفتش بنات وهي بنتي ، وأول ما شوفتها في المستشفي لما روحت إترميت عليها، ومامتها وباباها دخلو المستشفى ولا كأن بنتهم اللي عاملة حادثة كانو داخلين عادي خالص".

وعن رفضها لزواج ابنها من سارة بعد فقدها بصرها قالت" لا يمكن أرفض لإرتباطه بها لأن دة قدر وكان ممكن ابني اللي يحصله كدة، وحاولت أزورها ومامتها قالت لو جيتي البيت أنا هعمل مجزرة". 

وقد أثار مصطفى خطيب البلوجر سارة محمد جدلا واسعا على مواقع التواصل الإجتماعي بسبب ما تداولته بعض الصحف عن تخليه عنها بعد الحادث وبعد تلقيها الرصاص لتفديه، ولكنه ظهر من خلال تحيا مصر ليكشف عن بعض الحقائق حول موقفه تجاه البلوجر سارة.