أشرف عبد الباقي يروج لـ مطعمه: طنط بتقولكم اتفضلوا

روج الفنان أشرف عبد الباقي لمطعمه الذي يسمى “طنط” وذلك عبر حسابه الرسمي بموقع تبادل الصور والفيديوهات الشهير انستجرام. 

تحيا مصر يرصد لكم تفاصيل أخر منشورات أشرف عبد الباقي 

اشرف عبد الباقي بمطعم طنط 

ونشر أشرف عبد الباقي صورة تجمعه ببعض المأكولات من المطعم، مع اللوجو الخاص به، معلقًا: طنط بتقولكم اتفضلوا. 

ويذكر، أن حرص أشرف عبد الباقي على إحياء ذكرى وفاة صانع الضحكة علاء ولي الدين بكلمات مؤثرة، وذلك عبر حسابه الرسمي بموقع تبادل الصور والفيديوهات الشهير انستجرام.

أشرف عبد الباقي عن علاء ولي الدين

ونشر صورة الرحل عبر انستجرام، معلقًا: الله يرحمك يا علاء.. زي النهاردة من عشرين سنة اتوفي علاء ربنا يرحمه ويغفرله يارب وبرغم ان فات عشرين سنة علي وفاته لكنه كان ومازال اقرب صديق ليا.

وتابع: اول مرة اطلع عمرة كان معاه واحنا رايحين الكعبة قاللي بص في الارض لغاية مانوصل والكعبة تبقي باينة واقوللك بص وادعي ويمكن الحكاية دي بقيت اعملها مع اي حد يعمل عمرة لأول مرة وادعي لعلاء.

أشرف عبد الباقي: علاء كان مضياف وكريم 

وأضاف أشرف عبد الباقي: في حياته كنت بشوف الخير اللي بيعمله مع ناس كتير واتعلم منه بشكل مباشر وغير مباشر، علاقتنا كانت اكتر من اخوات ومن خلاله كنت بشوف باقي اصحابنا لانه كان كريم جدا ومضياف جدا وفي بيته كنت بحس اني في بيتي وان والدته الله يرحمها زي والدتي اللي اتوفت وانا في سن صغير وخالد اخوه الله يرحمه ومعتز ربنا يكرمه ويخليه لاولاده زي اخواتي وقت ماكنت احس اني متضايق اروحله اتكلم معاه وارتاح.

أشرف عبد الباقي لـ علاء ولي الدين: عمرنا ما هننساك 

واختتم أشرف عبد الباقي كلامه عن علاء ولي الدين: ماكانش يعدي يوم الا لما نتقابل اونتكلم في التليفون نعرف اخبار بعض، وصادف ان يوم وفاته كان اول يوم عيد الاضحى وبعد ماوقف علي الاضحية اتوفي وكنا علي ميعاد يومها في المسرح لعرض مسرحية لما بابا ينام اللي انتهت بوفاته، ربنا يرحمك ياعلاء ويصبر اهلك واصحابك اللي اكيد مادام عرفوك عمرهم ماهينسوك.