سمية الخشاب: أنا أحلى من جورجينا وبحب الصعايدة لأنهم جدعان

تحدثت الفنانة سمية الخشاب عن حبها الشديدلمحمد صلاح والصعايدة، كما تحدثت عن مقارنتها بـ جوروجينا، وكشفت عن سر حبها لـ كرستيانو رونالدو

تحيا مصر يرصد لكم تصريحات سمية الخشاب

وقالت سمية الخشاب في تصريحات تليفزيونية: أنا عندي مشاعر بريئة لـ رونالدو وبحب دماغه وتركيزه ولعبه؛ لأنه شخص مضيع عمره في التمرين.

سمية الخشاب: بحب محمد صلاح لأنه صعيدي وبحب الصعايدة لأنهم أجدع رجالة

 وكشفت سمية الخشاب: أنا واحدة أهلاوية وبحب مجدي عبد الغني وهو أفضل لاعب بالنسبة لي، وبحب محمد صلاح لأنه راجل صعيدي وأنا بحب الصعايدة لأنهم أجدع رجالة.

سمية الخشاب: أنا أحلى من جورجينا ومش بغير من أي ست

أما عن مقارنتها بـ جورجينا، علقت سمية الخشاب قائلة: مفيش حد زيي لأني أحلى من جورجينا ومفيش واحدة عندها جاذبية وحلاوة ودم خفيف كدا، وأنا مش بغير من أي ست لأن ربنا خلقني جميلة وفيا كل حاجة أغير ليه؟.

واستكملت: طول عمري بخجل وبستحي لما أشوف حد مشهور من زمان حتى قبل ما أكون معروفة وبتكسف أسلم على المشاهير.

وسبق وكشفت سمية في اللقاء ذاته عن أمكانية زواجها مرة أخرى وقالت:أنا كويسة من غير زواج ولكن لو ربنا عايز كدا مش هعترض، ومش هتفرق اتجوزت كام مرة كلها أرقام،  أنا قلبي مش بيدق بسهولة إلا لو لقيت شخص شبهي وفيه بيننا كيمياء، ولكن الحياة أحلى من غير زواج ومفيش حد ينكد عليا.

وتابعت سمية الخشاب: أنا نفسي في راجل حقيقي أحس معاه بالأمان؛ لأن صعب في الأيام السودا دي نلاقي راجل بجد مش مجرد شكله راجل،  أنا كل اللي اتجوزتهم رجالة محترمين وربنا يوفقهم في حياتهم، ومش بحب فكرة إن الست تكون العصمة في إيدها ومعتقدش إني هعمل كدا.

مسرحية كازينو بديعة

وسبق وحققت مسرحية كازينو بديعة للفنانة سمية الخشاب نجاحًا كبيرًا بعد عرضها، وتضم المسرحية عدد كبيرمن نجوم الفن ومنهم: علاء مرسي، علاء زينهم، أحمد فتحي، أدوارد، إنجي وجدان، إيمي طلعت زكريا، ومن تأليف أحمد الأبياري واخراج طارق الابياري.