أحمد عصام: كنت اشهر عازب في الوسط بس هي خطفتني.. كانت مستحملاني ونفسي أعمالها اللي يبسطها

تحدث الفنان أحمد عصام عن دور زوجته في حياته وكيف غيرت موقفه من عازب حتى النهاية إلى قفص الزوجية، مشيرا إلى مواقفها الأصيلة معه، والتي جعلته يحاول إرضائها بكل الأشكال الممكنة.

تحيا مصر يرصد في ذلك التقرير تصريحات الفنان أحمد عصام عن زوجته

أحمد عصام: مكناش مرتبين للفرح

وقال أحمد عصام خلال حلوله ضيفة على برنامج "صاحبة السعادة"، والذي تقدمه الإعلامية إسعاد يونس على شاشة قناة  dmc، متحدثا عن حفل زفافخ: التكوينات كلها من الأول مفيهاش تجهيز، وغنى منير وواما وحماقي ومكنش في تجهيز، أحمد كان اشهر عازب في الوسط الفني، عازب ثم عازب ثم عازب للنهاية، وهي جت خطف كده ومكناش مرتبين حاجة.

وأوضحت زوجة أحمد عصام: حصلت الكيميا بيني وبينه فـ حصل كده.

أحمد عصام عن زوجته: استحملتني كتير

وتطرق أحمد عصام بحديثه أن دور زوجته في حياته: هي استحملتني كتير، انا صعب في شغلي ووقتي، وكانت مستحملاني اوي وكان نفسي اعملها كل حاجة تبسطها، لما قعدت أاجل صليت في يوم وقعدت اقول يا رب هو انا هتجوز ولا مش هتجوز، وتاني يوم قولتلها يلا خلاص.

زوجة أحمد عصام: مش بيتأخر على حد بمساعده

أما عن زوجته، فقالت مشيدة به: أحمد انسان طموح وبيحب شغله اوي وبيحب كل الناس اللي حواليه، اي حد بيقدر يساعده بحاجة ميتأخرش، واكتر حاجة بحبها فيه شغله يونيك مفيش زيه ومخلص.

وتطرقت بحديثها عن مهنتها فقالت: كنت بشتغل في الفاشون سبع سنين، وقعدت عشان الفرح وحابه اني اتفرغ شوية وانا بحب الحاجة اللي فيها شوية ارت وشغله صعب جدًا.

أخر أعمال أحمد عصام

يذكر، أن أخر أعمال الفنان أحمد عصام كان مسلسل “طلقتك نفسي”، الذي تم عرضه في عام 2020، ودرات قصته حول أغرب أسباب انتشار الطلاق من خيانة، أو كذب أو تدخّل الأهل وغيرها من الأسباب، والتي تؤدي في النهاية للنهايات المأساوية للعلاقات العاطفية، وشارك في بطولته إلى جانبه كلا من النجوم هاجر أحمد، محمد عادل، كارولين عزمي، محمد مهران نانسي صلاح.