زوجة أحمد عصام: كنت معزومة زي أي حد.. وعملت فستاني على zoom

تحدثت سارة عبد الفتاح زوجة الفنان أحمد عصام عن تفاصيل استعدادها لحفل زفافها ورد فعلها على حضور هذا الكم من النجوم خلال لقائها مع إسعاد يونس. 

تحيا مصر يرصد لكم تصريحات زوجة أحمد عصام 

زوجة أحمد عصام: كنت معزومة زي أي حد 

وقالت زوجة أحمد عصام: انا كنت رايحة معزومة زيي زي أي حد، وكنت حابه كتب كتاب بس وجت بدون ترتيب، عملت فستان الفرح في 15 يوم واستاذ هاني البحيري مكنش موجود والفستان اتعمل zoom.

أحمد عصام: حوشت في حصالتي حب.. ومكنتش مقرر إني اتجوز

وقال أحمد عصام: واحنا صغيرين كان عندنا حصالة بنحوش فيها فلوس عشان نجيب الحاجة، انا حوشت في حصالتي حب ومكنتش مقرر إني اتجوز ولما قررت لاقيت الحب ده خرج برا الحصالة وحصل اللي حصل.

وفي نفس الحلقة تحدث أحمد عصام عن تفاصيل كتب الكتاب فقال: الكينج محمد منير شهد على كتب الكتاب، وبعدين تامر حسني وعبد الوهاب أخويا. 

وتابع: واللي كان مُصر جدًا حمادة هلال بس مجاش عشان كان بيصور في لبنان، وجالي سلم عليا ٤ الفجر في الفندق ورجع لبنان تاني.

حفل زفاف أحمد عصام

واحتفل أحمد عصام في يوم الجمعة الموافق 3 من شهر فبراير، بعقد قرانه على فتاة من خارج الوسط الفني تدعى سارة عبد الفتاح، وشهد على عقد القران الفنان تامر حسني والكينج محمد منير، وعقده الداعية مصطفى حسني.

وعلق تامر حسني على شهادته على عقد قران أحمد عصام فقال: "مليار مبروك لحبيبي و صاحب عمري احمد عصام والله كنت حاسس إني بجوز ابني، ربنا يكرمك يا حبيبي انت و مراتك ، و بالنسبه للصور الجميله دي اظن مهما علقت مش هعرف اوصف  جمال روحها و صدقها  ، عقبال الجميع".

أخر أعمال أحمد عصام طلقتك نفسي

يذكر، أن أخر أعمال الفنان أحمد عصام كان مسلسل “طلقتك نفسي”، الذي تم عرضه في عام 2020، ودرات قصته حول أغرب أسباب انتشار الطلاق من خيانة، أو كذب أو تدخّل الأهل وغيرها من الأسباب، والتي تؤدي في النهاية للنهايات المأساوية للعلاقات العاطفية، وشارك في بطولته إلى جانبه كلا من النجوم هاجر أحمد، محمد عادل، كارولين عزمي، محمد مهران نانسي صلاح.