مصطفى كامل يهاجم مطرب المهرجانات مسلم: شخص مزعج وتعبت منه

كشف الفنان مصطفى كامل نقيب المهن الموسيقية، كواليس أزمة مطرب المهرجانات مسلم وعدم حضوره إلى مقر النقابة بعد استدعائه وإيقافه.

تحيا مصر يرصد لكم تصريحات مصطفى كامل

مصطفى كامل: الشاب في بداية حياته بيبقى متهور وهمجي

وقال مصطفى كامل في مداخلة هاتفية أجراها في برنامج خط أحمر،  الذي يقدمه الإعلامي محمد موسى ويعرض على قناة الحدث اليوم: الشباب الجدد أكتر ناس تعبينا، وأي شاب في بداية حياته بيكون متهور في كل تصرفاته وبيكون همجي ومش فاهم، وكل الناس حذرتني من التعامل مع مسلم بما فيهم جدران النقابة، ده شخص متعب ومزعج.

وتابع: بدء يبعتلي على واتساب وانستجرام وقولت لازم اقف جنبه وكان بينا مكالمة وقولتله لن اقبل اخي او ابني وهو مش مأدي الخدمة العسكرية، وقوتله روح ادي حق بلدك عليك ولن اقلبك سنك تجاوز المدة العسكرية.

وأضاف: جابلي ما يفيد انه راح التجنيد  وقولت النقابة  هتتيح التصريح في حالة إحضار موقفه من التجندي وقولت من شروط القيد أن يجيب ما يفيد موقفه من التجنيد ولا يشترط فيه انه أدى الخدمة أولا.

واستكمل: أنا مش عارف طبيعة شخصيته لأن أنا مش قريب من الشباب دول لأن مستوى الفن مش قريبين من بعض، ولكن بعتبرهم ملف من الملفات الكتير اللي عندي.

مصطفى كامل: كتبت مسلم إقرار على نفسه لأنه لعبي

واسطرد: كتبته إقرار على نفسه لأن ناس كتير قالتلي عليه ده لعبي لأن لو لقدر الله اي خلاف بتجنيده او هرب هتيحاسب، وفضلت معاه في دور أبوي.

مصطفى كامل: حاسس إني مسكت منصب النقابة لحل مشاكل مسلم 

وتابع: من ساعة ما خد التصريح كل يوم عندي منتج جاي يشتكي من مسلم وقولتله هوانا ماسك المنصب ده نقيب ليك لوحدك أنا تعبت معاه وهو دايمًا مش عارف هو عايز ايه.

وأضاف: أنا قولتله أنت مضيت عقد مع منتج ومش ملتزم معاه ليه قالي أنا كنت قاصر لسه، ولما مجاش للنقابة كلمته وقال أنا مجتش عشان كنت في التجنيد وهو مكنش في التجنيد أصلًا.