ياسمين عز: اعطوا صدقات لبتوع الدليفري وابتسموا في وش حارس العمارة

أعربت الإعلامية ياسمين عز خلال برنامجها كلام الناس المذاع على قناة mbc مصر، عن أهمية الصدقات خاصة في الظروف الصعبة الذي يمر بها العالم خلال الوقت الحالي.

تحيا مصر يرصد في ذلك التقرير نصائح ياسمين عز بأهمية الصدقة والتصدق

ياسمين عز: اتصدقوا على بتوع الدليفري فرحتهم هتعمل في قلبك مفعول سحري

وقالت ياسمين عز خلال البرنامج: كلنا بنمر بظروف صعبة في كل العالم زود على ده إن احنا في شتا وبرد قارص وانت بتطلب دليفري بتسيب فلوس بسيطة للشخص أو شوية فاكة، أنا برجوا من حضرتكم إن اللي جاي يوصلك طلب البيت دا جايلك مخصوص عشان تتصدق عليه فطلع مما تنفق ليه، انت بتدي ربنا، الصدقة بتقع في ايد ربنا.

وتابعت: جرب كل ما تصدق إنك تعطي عطاء كريم، البسمة والفرحة والخضة اللي هتشوفها على وش الشخص البسيط هتفعل في قلبك مفعول سحري.

ياسمين عز: حارس العمارة بيسهر على راحتك وانت خارج وداخل قوله كلمة حلوة

وتطرقت ياسمين عز بحديثها لتقديم بعض النصائح حول حراس العقارات، فقالت: حارس العمارة بيسهر على راحتك غير وحدتهم وغربتهم وفي عز البرد، وانت داخل وخارج قوله كلمة حلوة، ومفيهاش حاجة لو المدام عملته شوية اكل سخن يوهنوا عليه البرد ده.

وأضافت: كلنا محتاجين لبعض وياريت كلنا نبقى قلبنا على بعض في الظروف الصعبة دي.

ياسمين عز للستات: الراجل معندوش بوز يلويه وشوفي مين اللي نرجسي

وكعادتها تحدثت عن أزمات النساء مع الرجال، فقالت: الست بتروح لمستشارين علاقات زوجية وتقولهم جوزي نرجسي عشان أمه نرجسية، وماشي شبه الطاووس نفس ماشية امه وهي لحد أول إمبارح مفكرة إن النرجسي طبق حلويات جننتي دكاترة الاستشارات الزوجية.

وتابعت: وأما تسألها ليه تقولك أنا عارفة كل حاجة من النت النت كله بيقول لو جوزك لوى بوزه يبقى نرجسي الدكتور زهق منك ومن عمايلك ومتتكلميش، بلاش تتريقي على ماشية جوزك ورجليه فيه ناس بتموت في التراب اللي تحته

واختتمت حديثها: الراجل معندوش بوز عشان يلويه وكلنا عارفين مين اللي عنده بوز ولازم يدرايه.