عميلة اورنج تشكو: "orange دلوقتي كلها احتيال وسرقة"

اشتكت عميلة اورنج orange من تعرضها للسرقة ونفاذ الرصيد دون استهلاكه، مما جعلها تنفر من خدمة عملاء اورنج رغم أنها عميلة من سنوات طويلة، وينشر تحيا مصر شكوى عميلة اورنج من الخدمات المقدمة.

عميل اورنج يشكو: "شركة حرامية ونصابين"

عميلة اورنج تعلق: "وضحت المشكلة وما اتصلتوش"

عملاء اورنج

 قالت عميلة اورنج في منشور على موقع "فيسبوك"،: "أنا بقالي سنين عميلة مخلصة لـ Orange (موبينيل) من ساعة ما كان عندي موبايل (2005)".

وأضافت: "لكن كنت شكة بقالي كام سنة أن Orange كانت بتسرق مني إحيانا سواء كانت مبالغ فواتير غير مفسرة أو إضافة رسوم وهمية موافقتش عليها، أو الإنترنت يتم استهلاكها بشكل أسرع من المعتاد (عارفة ان كل حاجة بجودة أعلي دلوقتي وبتاخد انترنت اكتر). بدفع أكثر من ضعف فواتيري بدون مبالغة.. و تأكدت مؤخرًا انهم بيستعبطوا ولكن معنديش الطاقة أو الوقت للشكوى وهم معتمدين على كده ".

اورنج orange

وأضافت: "بس الموقف البسيط اللي حصل انهردة جاب آخري معاهم عادةً مبشوفش الإنترنت الباقي لي علي ال app ، و لما بتيجي رسالة أني استهلكت النت بعمل إضافة نت و خلاص.. امبارح شوفت علي حظهم الاسود وكان عندي 6.5 جيجا ".

واستكملت" :صحيت لقيت 5 رسائل كلها من 1:17 حتى 1:33 صباحًا (و انا نايمه) بتقول إنني استهلكت 80٪ ، ثم استهلكت 95٪ و 3 رسائل تقول إنني استخدمت النت كله، كلمت اورنج، و قلت للراجل أني عاوزة اعمل شكوي، حطني على الانتظار لمدة 3 دقائق ورجع يقولي "باين عندي انك استخدمتي كل النت"!.

وعلقت: "غير أنه أخد 3 دقائق عشان يشوف أنا عندي نت ولا لا ودي كارثة لوحدها، لا الأسوء إنه راح و رجع بدون أي معلومة مفيدة علي الإطلاق! استفزاز رهيب ، و تطفيش! وكل اللي ربنا قدره عليه انه يقولي هكتب الشكوى و هنرجع لك كمان 24 ساعة! و دي كذبة في حد ذاتها .. ولكن حتى لو كنت تعتقد ان في الزمن دة اني هستني 24 ساعة بدون إنترنت في يوم شغل.. يبقي دة فشل رهيب. هل دة الحل و دي أفضل خدمة".

واختتمت: "معنديش أدنى شك دلوقتي في أن Orange هي كلها احتيال وسرقة، بيكسبوا فلوس من انهم بيطفشونا أن إحنا حتي نكلمهم نشتكي عشان منضيعش وقتنا".