إسعاد يونس للجمهور: خلوا بالكم من نفسكم عشان انتو النفس اللي بتنفسه

حرصت الإعلامية والفنانة إسعاد يونس خلال أولى حلقاتها التي صورتها بعد فترة مرضها التي مرت بها مؤخرا، على توجيه الشكر لجمهورها لمساندتهم.

تحيا مصر يرصد في ذلك التقرير رسالة إسعاد يونس للجمهور 

إسعاد يونس تشكر جمهورها على مساندتهم لها

وقالت إسعاد يونس خلال حلقتها في برنامج صاحبة السعادة التي تعرض اليوم على شاشة dmc: الحلقة دي أول حلقة أصورها بعد المحنة اللي مريت بيها.. مش قادرة أوفي بالشكر اللي انتو عملتوه معايا، وكل شخص بعينة بتوجهله بكل الشكر والامتنان والاعتراف بالجميل، لأن لولا مساندتكم مكنتش هوصل لده.. بيكم أنا بحيا وخلوا بالكم من نفسكم وصحتكم عشان انتو النفس اللي بتنفسه.

نصيحة اسعاد يونس للجمهور

وسبق ووجهت إسعاد يونس نصيحة للجمهور في أول ظهور لها بعد تعافيها من أزمتها المرضية، فقالت: شكر واجب، إلى كل من سأل عني واطمأن عليا ودعا لي دعوة من القلب، وطبطب علي قلبي، ربنا يخليكم ليا واحد واحد يا كل الحب، الحمد لله، ربنا يخليكوا بعض، وإنوا غططوني بكل حب وحنان ورعياة ودعا، وصعب أن الواحد يعرف يحصر الناس ديه، ومحنة زي اللي قبلها، والموضوع عايز إرادة وتقدم، ومنستسلمش.

وتابعت: عايزة أقول حاجة للناس كلها، والناس اللي سنهم كبر، المهم إنك وبتكلع السلم ترفع رجلك أطول من السلم، وأنا وقعت علشان حطيت رجلي قبل السلمة، وزرعت مفصل صناعي،  وعلاقتي مع طاقم العمل زملاء، وبنعمل كل حاجه مع بعض، ومسبونيش ولا دقيقة، وصعب إنك تلاقيهم في حته تانيه.

مرض إسعاد يونس

يذكر، أنه أعلن مرض إسعاد يونس عبر صفحتها الرسمية بمواقع التواصل الإجتماعي المختلفة، في بيان جاء فيه: أجرت صباح اليوم الفنانة والإعلامية إسعاد يونس عملية جراحية لتغيير المفصل بالجانب الأيمن من منطقة الحوض، بعد سقوطها من على درج سلم منزلها مما استدعى نقلها بشكل عاجل إلى مستشفى دار الفؤاد بأكتوبر وأشرف على حالتها الدكتور عمر سليمان وتم اجراء الجراحة العاجلة، وهي الآن في مرحلة التعافي، طالبين منكم فضلا وليس أمرا الدعاء لها بالشفاء، وسرعان ما انهال رواد مواقع التواصل الإجتماعي والنجوم بالدعاء لها.