مشجع الزمالك بعد الخلاف مع مرتضى منصور: «أنا خايف يجرالي حاجة»

أكد محمد زينهم مشجع نادي الزمالك، أنه تناقش بشكل ودي مع مرتضى منصور رئيس مجلس إدارة القلعة البيضاء بشأن العديد من الملفات وأسباب تراجع نتائج الفريق في الفترة الأخيرة. 

تصريحات محمد زينهم مشجع نادي الزمالك 

وكتب محمد زينهم عبر حسابه الرسمي على «فيس بوك»: «بداية كده انا مغلطتش في حد والفيديو موضح ده كويس، كل اللى حصل بينى وبين رئيس نادى الزمالك انى ناقشته في النتايج والصفقات الضرب اللى مش عارفين حتى يجيبوا هدف مش مجرد التعادل». 

وأضاف وزينهم: «فجأة لقيت اكتر من 15 فرد بيشدونى من وسط الزحمة زى م هو واضح في الفيديو، وفجأة لقيت التدافع بيبعدنى عن باب المحكمة والمصورين ودخلنا الشارع الجانبى لمجلس الدولة». 

وواصل: «ولقيتهم بدأوا يتاكاتروا عليا لولا ستر ربنا ووجود حرس المحكمه اللى خدونى من بين ايديهم، مشيت عشان اخد عربيتى وامشى لقيت 2 جايين ورايا وشكلهم منتهى التسول، وقفوا ورا عربيتى وصوروا نمرة عربيتى وجريوا». 

وتابع: «انا كل علاقتى بالاحداث انى مشجع درجه تالته عاشق للكيان لا ليا علاقه بصفحات ولا تريندات ولا شهرة، لكن لما عربيتى تتصور ويحصل معايا اللى حصل قصاد مجلس الدولة فده فعلاً يخلينى اعيش في رعب». 

وأتم: «انا بعلنها قصاد الناس انى بالرغم من كونى محامى لكن فعلاً بدأت اخاف يجرالى حاجه، عمرى م اتخيل ان الكوره تعيشنى في رعب من حد بالشكل ده، ادعولى ربنا يسترها عليا من مرتضى منصور واعوانه». 

إحالة دعوة الزمالك بخصوص الصفقات الي هيئة المفوضين 

قررت المحكمة القضاء الإداري في مجلس الدولة إحالة دعوة الزمالك بخصوص قيد الصفقات الي هيئة المفوضين، ومن المقرر تحديد جلسة 5/3 للنظر فيها مرة اخري.

وكان وصل مرتضي منصور ، رئيس مجلس إدارة نادي الزمالك، ، إلى محكمة القضاء الإداري في مجلس الدولة، لحضور جلسة الطعن على عدم قيد صفقات الأبيض الجديدة.

وكانت محكمة القضاء الإداري قد أجلت في جلستها السابقة المنعقدة يوم 12 فبراير 2023، نظر دعوى مرتضى منصور التي طالب من خلالها بإلزام اتحاد الكرة بقيد صفقات نادي الزمالك، إلى جلسة اليوم لحين تقديم مذكرات.