محمد ثروت يكشف تطورات الحالة الصحية لـ نجله

كشف الفنان محمد ثروت تطورات الحالة الصحية لنجله المطرب الشاب  أحمد ثروت، وذلك بعدما تعرض لأزمة صحية خلال الفترة الأخيرة وأصيب بجلطة في الشريان، ومكث في المستشفى.

تحيا مصر يرصد لكم تطورات الحالة الصحية لـ أحمد ثروت

ونشر الفنان محمد ثروت صورة تجمعه مع نجله داخل المستشفى، وذلك من خلال حسابه بموقع التواصل الاجتماعي فيسبوك، وقال: حابب أشكر كل اللي سأل عن ابني أحمد ثروت، وإن شاء الله ربنا يستجيب لدعواتكم يارب العالمين، وحابب أطمنكم الحمد لله أحمد في تقدم واستجابة للعلاج من الجلطة، وهو الآن يخضع لبروتوكول طبي لجهاز المناعة والجهاز العصبي.

محمد ثروت يوجه رسالة لـ ابنه

كما وجه الفنان محمد ثروت رسالة لـ ابنه أحمد ثروت وقال: رسالة إلى ابني حبيبي المحارب.. ربنا يتمم شفائك على خير ويحبب فيك خلقه أكتر وأكتر ولا شيء يهم غير الصحة وترجع تنور الدنيا بشقاوتك تاني يا حبيبي.

آخر أعمال أحمد ثروت 

الجدير بالذكر أن آخر أعمال الفنان أحمد ثروت هي أغنية وجودك فرق، وطرحها أحمد ثروت على قناته الرسمية بموقع الفيديوهات الشهير  يوتيوب، وهي من ألحان عمرو الشاذلي، ومن كلمات حسام سعيد، ومن توزيع محمد ياسر،  ومكس وماستر م محمد صقر

كلمات الأغنية

وقعت ليا من السما
وبين إيديك قلبي إترمى
إرتحت وانا جمبك بجد
و ليك مشاعري مسلمه

لحقت عمري اللي إتسرق
و قد إيه وجودك فرق
كأني من غير قلب عشت
و يوم لقاك قلبي إتخلق

فتحت عينيا على الدنيا بنظره جديده
على إيدك بس انا شوفت حاجات غابت عني

و جمال الدنيا انا بكتشفه ف قربك مني

شوفت ف عنيك جنتي
وبضحكتك جت ضحكتي
و النهارده انا لو قوي
فانا خدت منك قوتي

عرفت جمبك مين انا
و روحي ليك مطمنه
يا أحلى حاجه ف دنيتي
يا رزق بعته ربنا

فتحت عينيا على الدنيا بنظره جديده
على إيدك بس انا شوفت حاجات غابت عني
قربت حاجات كانت لسنين عني بعيده
و جمال الدنيا انا بكتشفه ف قربك مني