بسمة وهبة عن برنامج ياسمين عز: اللي بيحصل ده تفاهة

رفضت الإعلامية التعليق على الجدل المثار على برنامج كلام الناس والتي تقدمه الإعلامية ياسمين عز عبر قناة أم بي سي مصر.

تحيا مصر يرصد لكم تعليق بسمة وهبة على برنامج ياسمين عز

وقالت بسمة وهبة في تصريحات عبر برنامج إي تي بالعربي: الموضوع تافهه وميستهلش أني أتكلم عليه، بس اللي بيحصل في البرنامج ده تفاهة.

وعن تحدث ياسمين عز عن العلاقة بين الرجل والمرأة قالت بسمة وهبة: العلاقة بين الرجل والمرأة اسمى وأكبرمن اللي بيحصل ده.

تصريحات ياسمين عز

وسبق وأثات الإعلامية ياسمين عز الجدل بشأن تصريحتها الأخيرة في برنامجها كلام الناس، حيث طالبت بصنع حلويات وتسميتها باسم حواجب مصطفى، وقالت ياسمين عز: صحيت الصبح كان قلبي موجوع وقولت أول ما أطلع من البرنامج هعمل مناشد لكل الفراعين أصحاب المطاعم، اخدتي بالك إن أول ما جوزك يدخل المطعم ويفتح المنيو بيكون حاسس بحزن وألم عمرك سألتيه مالك يا فرعون لا انتي بتفكري في طبق الفتة اللي هتشفطيه وخلاص.

ياسمين عز: ليه مفيش طبق حلويات اسمه صوابع محمد أو حواجب مصطفى

وتابعت: هو زعلان عشان ملقاش اسمه في قايمة الحلويات، شيء غريب عجيب إن كل الحلويات أسماء ستات، أم علي ست وغزل البنات ست وبسبوسة ست صوابع زينب مفيش حلويات باسم الراجل، ليه مفيش طبق حلويات اسمه أبو أحمد أو صوابع محمد أو عيون محمود أو حواجب مصطفى، غزل الفرعون، وأرجوا لكل أصحاب المطاعم إضافة طبق حلويات باسم الفرعون الكبير والصغير وأنا متبرعة بحقوق الملكية لمصنع السكر للراجل السكر، الراجل  فين ده هو أصل الصناعة، وصاحب المطعم اللي جايلك عريس وافقي عليه عشان بيوفرلك الغدا كل يوم مفيش هناكل ايه النهاردة، اتجوزي صاحب مطعم لو اتقدملك، وحطيه تاج فوق راسك.

ياسمين عز: ليه الراجل ليطلب ايد البنت مش ودانها أو مناخيرها

وأضافت: ليه الراجل أما بيتجوز الست بيطلب ايديها مش ودانها أو مناخيرها؟.. السبب الأول إن الإيد هي اللي بتطبخ يعني لازم تتعلمي تتطبخي وتتفلسفي في الطبخ، والحاجة الوحيدة اللي هيلبسك فيها خاتم هي ايديك، وأخيرا بيكون فاقد حنان وانتي اللي هتعوضيه عن الحنان ده والإيد هي الحاجة الوحيدة اللي بتطبطب.