بعد إنتهاء المسلسل.. تسنيم مطر لـ أبطال وبينا ميعاد: بقيتوا عيلتي

شكرت الفنانة تسنيم مطر كل القائمين على مسلسل وبينا ميعاد وذلك بالتزامن مع عرض أخر حلقاته اليوم، والتي من المتوقع أن تحقق نجاحًا كبيرًا. 

تحيا مصر يرصد لكم أخر منشورات تسنيم مطر 

تسنيم مطر: بقيتو اكتر من عيلتي 

ونشرت تسنيم صور تجمعها بأبطال مسلسل وبينا ميعاد عبر انستجرام، معلقة: النهاردة اخر حلقة في المسلسل وانا حاولت اجمع صورة من كل لحظة حلوة كانت لينا سوا وقضناها سوا عشان بجد انتُ بقيتو اكتر من عائلتي. 

وتابعت: وانا مبسوطة اني كنت معاكم و اني كنت جزء من احلي عيلة وبشكر أ/ هاني كمال المخرج و المؤلف اللي خلاني جزء من العيلة دي.

تسنيم مطر: بشكر المخرج اللي خلانا مبسوطين بكل لحظة 

واختتمت: اللي خلانا مبسوطين بكل لحظة عدت بسبب التوجيهات والكتابة والمشاهد اللي تجنن اللي خلتنا جزء من كل بيت ووصلنا لكل الناس شكرا ليكم كلكم على كل لحظة حلوة كانت لينا سوا much love.

أبطال وبينا ميعاد يحتفلون بنجاح المسلسل 

وكتب أسامة الهادي عبر حسابه الرسمي بموقع تبادل الصور والفيديوهات انستجرام: النهاردة الحلقة الأخيرة من مسلسلنا وبينا ميعاد .. رحلة من الانبساط والفرحه والشغف والتعب كملت بكلامكم وردود افعالكم اللي عدت كل حاجة كنت متخيلها .. عيلة وبينا ميعاد شكراً مليون مرة على كل حاجة حب كبير.

وسبق أسامة الهادي، الفنان الشاب يوسف إبراهيم، الذي كتب عبر موقع انستجرام: النهاردة آخر حلقة لمسلسل "وبينا ميعاد" و أنا حابب أشكر كل الناس اللي أشتركت في نجاح العمل ده و الناس اللي فعلًا بقت عيلتي التانية و هتوحشني جدًا جدًا و طبعًا الجمهور الجميل أتمنى تكونوا اتبسطوا معانا و شكرًا على كلامكم الحلو.

بينما نشرت الفنانة الشابة داليا شوقي فيديو جمعها بفريق العمل وجمع بعض المقتطفات من المسلسل، وعلقت عليه، قائلة: بمناسبة إن النهاردة آخر حلقة لمسلسلنا وبين اميعاد جهزتلكو المفاجأة دى ويارب تعجبكو.. حب قد الدنيا كلها.

تفاصيل مسلسل وبينا ميعاد

رصد مسلسل وبينا ميعاد على مدار الحلقات السابقة عدد من القضايا وهي المعاناة التي تعانيها الأم في حالة فقد زوجها، والعكس ما يعنيه الأب بعد فقد زوجته، ونظرة المجتمع للأم المطلقة التي تتزوج مرة أخرى، ويرصد حالة من الإخلاص في الحب، وعدد من الوقائع الأخرى كفشل قصص الحب بسبب عدم تناسب المستوى المادي، أو فشلها بسبب اختلاف الفكر، قصص الحب التي تعيش للأبد.