نهي تطلب الخلع: جوزي بعد شهر اتجوز عليا وقالى أنا جبتك خدامة لأمى

لم تتوقع نهى ان حياتها الزوجية راسا على عقب ستنقلب بعد شهر واحد من الزواج وتتحول لجحيم عندما تركها زوجها لخدمة والدته وتزوج من اخرى مما دفعها لرفع دعوى خلع داخل محكمة الاسرة لاسترداد ما تبقي من كرامتها مبررة ذلك بقولها " عمرى ما كنت اتخيل انى يحصل معايا كدا وجوزي يتزوج عليا بعد شهر واحد من الجواز ويكسرنى قدام كل الناس ولما أوجه يقول لى دا اختياري لكن انتى اتجوزتك عشان خاطر اطمن على امى وأنا فى الغربة أنى حد يخدمها".

تحيا مصر

جوزي أتجوز عليا بعد شهر 

وقالت الزوجة فى بداية حديثها مع " تحيا مصر"، الجواز والخطوبة كانت تقاليدية جدا، وهوكان مسافر واهله اللى اتقدموا واللى بينا كان مكالمات لحد ما نزل إجازة واتفق على الشروط معانا انه هيسافر وهيرجع كل 6 شهور إجازة، ومنكرش انى كنت مبسوطة وحتى معترضتش لما قالى شقتنا هتكون فى بيت اهله، واتجوزنا ولكن كنت ديما بحس انى في حاجة غلط أو مش فرحان بيا أوى وكأنه بيستعجل معياد السفر، وسافر على أمل أنه يكلمنى زى أى اتنين متجوزين، لكن سافر وبقي فين وفين يرن ويتكلم بحساب خلانى شكيت فى طريقته وتصرفاته، لدرجة أنه منعنى ارن انا عليه حتى لو نت، ومن هنا بدأت المشاكل بينا.

دعوى خلع بمحكمة الاسرة 

وتابعت نهى حديثها، حسيت انه خايف يكلمنى وهو مسافر لحد ما سمعت صوت واحدة ست وهو بيكلمنى واتهمته انه بيخونى وشتمت عليها، اتعصب عليا وقالى دى مرأتى ومسمحش لحد يغلط فيها، دى جوازتى بارادتى واختارتها عشان تكمل معايا، لكن أنتى انا جبتك خدامة لأمى عشان ابقي مطمن عليها وحقك هتاخديها لما أفضي انزل هاجى واقضي معاكى كام يوم عشان حقك الشرعى، كلامك حسسنى انى رخيصة ومقدرتش اتحمله لدرجة أنى تانى يوم على طول قررت أرفع دعوى خلع ضده ومازالت الدعوى منظورة أمام القضاء.