بعد انتقادها له.. شذى: تامر حسني أخويا ومش عدوي والعتاب على قد المحبة

كشفت الفنانة شذى عن الخلاف بينها وبين الفنان تامر حسني وانتقادها، خاصةً بعد أن ألتقوا سويًا في حفل زفاف الفنان أحمد عصام الذي أقيم مساء أمس.

تحيا مصر يرصد لكم رسالة شذى حسون عن تامر حسني

وظهرت شذى في إحدى الفيديوهات وهي تقبل تامر حسني في حفل زفاف أحمد عصام، وبدء الجمهور يتسأل هل عادت العلاقات بينهما، وذلك بعد خرجت  شذى من قبل وانتقدت الفنان تامر حسني.

شذى: تامر حسني أخويا والعتاب على قد المحبة

وجاءت إحدى التعليقات: ثواني بس هي مش دي شذي اللي كانت طلعت من كام شهر وقالت انها زعلانه من تامر حسني وانه مش مخليها تشتغل وان هما صحاب ايه ذا بتنادي عليه وبتبوسه عادي، لترد شذى عليه قائلة: علشان اتربينا على أن احنا متسامحين وهو اخويا مش عدوي و طبيعي جدا اسلم عليه لما عيني تيجي في عينه الدنيا مش مستاهله و في الاول و في الاخر العتاب دائما على قد المحبة.

انتقاد شذى لـ تامر حسني

وكانت شذى خرجت منذ عام لانتقاد تصرفات تامر حسني معها، وجددت ذلك في لقائها ببرنامج "أنا سعيد"، الذي يقدمه الإعلامي سعيد جميل، عبر قناة "القاهر والناس" وقالت شذى: "سيرة تامر حسني بتقلبلي مزاجي، مش عشان أنا مبحبوش لأ أنا بحبه جدًا وإحنا عشرة سنين، ولكن تامر من وقت وفاة أبويا وأمي مظهرش، ولو ظهر بيظهر كضيف شرف، ومش بتكلم على الشغل أنا بتكلم على الإنسانية، أنا مليش حد هنا ومعنديش إخوات وكل عيلتي برا مصر".

وتابعت: على المستوى الشخصي والمهني تامر ضيف شرف في حياتي، خاصة إني بتعرض لأزمات كتير في السوق وتغير الذوق، ولكن تامر في إيده إنه يصلحلي حاجات كتير وأنا أستاهل ده لأن الصحاب لازم يكونوا ضهر لبعض، خصوصًا لو أنت كنت كويس معاه قبل كده، عشان كده بزعل لما بتيجي سيرة تامر، لأني مكنتش مستنية منه حاجة كنت مستنية يسأل عليا.

حفل زفاف أحمد عصام

وكان قد أقيم مساء أمس حفل زفاف الفنان احمد عصام وذلك بحضور عدد كبير من نجوم الفن ومنهم: عمرو دياب، محمد منير، محمد حماقي، حميد الشاعري، تامر حسني، مصطفى قمر وعدد أخر من الفنانين.