معنديش مشكلة مع عمليات التجميل واتشتمت أنا وبنتي لهذا السبب.. أبرز تصريحات صفاء جلال

حلت الفنانة صفاء جلال ضيفة برنامج التاسعة المذاع على القناة الأولى المصرية، وكشفت العديد من الأسرار عن حياتها الشخصية وبعض الأعمال الفنية لها. 

تحيا مصر يرصد لكم تصريحات صفاء جلال 

أبرز تصريحات صفاء جلال  

• أنا موجودة ومعرفش مين اللي طلع إشاعة اعتزالي للفن 
• ولما بيجيلي عمل بنزل أصوره وأرجع البيت لأني مش قوية في التواجد في المناسبات والاحتفالات الفنية
• أنا بحب التمثيل وعمري ما هعتزل
• لقائي مع سميحة أيوب وحنان سليمان لـ المرة التانية في مسلسل جروب العيلة بعد تعاوننا في الضوء الشارد كان لقاء جميل وممتع جدًا
• كنا بروح نصور جروب العيلة ونستفيد من خبرات سميحة أيوب والممثلين الشباب كانوا يجننوا
• السوشيال ميديا مأثرة علينا بشكل بشع فبحاول مع بناتي إن يكون عندنا وقت نتجمع فيه مع العيلة 
• وفي ناس بعتولنا بعد عرض المسلسل إنهم عملوا جروب للعيلة بتاعتهم
• مش برد على الانتقادات والشتايم اللي بتجيلي على السوشيال ميديا
•  الناس هما اللي بيردوا بالنيابة عني وبتضايق جدًا من التعليقات دي
• سميحة أيوب لسه عندها نفس الالتزام وحفظ المشاهد زي زمان في الضوء الشارد
• كنت محظوظة إني اشتغلت مع فؤاد المهندس ومديحة يسري وكمال الشناوي لأنه جيل مش هيتعوض
• سلمى بنتي بتدرس إخراج في معهد السينما قسم رسوم متحركة وميولها للأفلام القصيرة والوثائقية أكتر من التمثيل

صفاء جلال: معنديش مشكلة مع عمليات التجميل 

• معنديش مشكلة مع عمليات التجميل البسيطة اللي بتخلي النفسية أحسن زي شد البطن أو كبسولة المعدة
• بعمل بوتوكس وفيلر بس مش بغير شكلي عشان كدة شكلي متغيرش من 20 سنة
• متمناش إن بناتي يشتغلوا في الفن لأن المهنة صعبة جسمانيًا ونفسيًا وماشية ببركة ربنا
• الزعيم قالي قبل كدة إن الضحك هو علاج الاكتئاب 

صفاء جلال: اتشتمت أنا وبنتي ونفسي اطلع الحج

• اتشتمت أنا وسلمى بنتي لما طلعت معايا في مسلسل سابع جار والناس قالت دي واسطة فـ قالتلي أنا هفضل ورا الكاميرا أحسن من قدامها
• كارما بنتي الصغيرة عايزه تمثل وعلى طول بتعمل فيديوهات على تيك توك بس مش هخليها تدخل في الموضوع غير لما تبقى في أولى جامعة وتقرر
• أكتر جملة بحب أسمعها عن أدواري إن الناس تقولي إحنا بنحبك وبنحترمك
• المتعة في الشغل مع فؤاد المهندس إنه كان طول الوقت بيتكلم عن حب عمره شويكار وعن أعماله معاها
• نفسي أطلع الحج وبعدها اتحجب وممكن أمثل وأنا محجبة زي ممثلات كتير