بمناسبة عيد الحب.. عمر كمال وأحمد شيبة يحييان حفل غنائي في 6 أكتوبر

يحيي كلا من المطرب عمر كمال وأحمد شيبة حفل غنائي جديد بمناسبة عيد الحب، وذلك يوم 14 فبراير المقبل داخل أحد فنادق مدينة السادس من أكتوبر.

تحيا مصر يرصد تفاصيل حفل عمر كمال بعيد الحب.

عمر كمال يتألق بأغنية هجوم فجائي

وكانت آخر أعمال عمر كمال هي أغنيته مع المطرب الشعبي أحمد شيبة والتي طرحها مؤخرا باسم هجوم فجائي، احتفالا برأس السنة.

كلمات أغنية عمر كمال الجديدة

وتقول كلمات الأغنية:

طول ما رب الكون ف عونى
هعيش وأموت ثابت وتد
لا هتعرفوا يوم تكسروني
ولا هتشفوني فى يوم هدد
بتكعبلوني وتوقعوني
وفى كل مرة بقوم أسد
أحذروا من هدوئى
وصمتي وأختفائي
أنا زي الديب بنام
جهزلي هجوم فجائي
اسيب الكل يلعب
أفضي ليكوا الملعب
وأول ما أنول ألعب
بلعم على أعدائي
بغيب بغيب وبرجع
بسهم يصيب ويوجع
وبضربة وحدة أوقع
اللى عشوها فى غيابي
بتفرج واقعد أسمع
وأسيب الكل يطمع
ومن عريري بطلع
وأكشر عن نيابي
أنا أسوق وكله يخدها جري
أنا فعل وانتوا كلامو هري
لو فاكرين ان لحمي ني
طب سدوا معايا ف اللى جاي
أنا أسوق وكله يخدها جري 
أنا فعل وانتوا كلامو هري
لو فاكرين ان لحمي ني
طب سدوا معايا ف اللى جاااي

أبرز تصريحات عمر كمال 

وقال عمر كمال ببرنامج حبر سري: اغنيتي منجحتش مع سمية الخشاب وكان في وجهات نظر معينه وسكة معينه لو كانت مشيت للاخر وهي ملتزمتش بـ ده معايا.

وتابع: أنا اكبر من إني اعمل فيديو كليب مع سمية الخشاب عشان ينجحني، وسمية الخشاب اللي طلبت مني أن هي تغني معايا ومش أنا اللي عرضت عليها.

وأضاف: أمي ملهاش علاقة بالغنا وعمري ما قعدت وقالتلي انت عملت أغنية وعلاقتنا علاقة أم بابنها وملهاش علاقة بشغلي وعمري ما سمعتها أغنية وملهاش في الجو ده

واختتم عمر كمال حديثه قائلًا: أمي قالتلي في بدايتي مغنيش والغنا حرام وقالتلي السكة دي فيها الوحش والحلو وبراحتك وامشي في اللي عايز تمشي فيه وانا خدت السكة اللي نفسي فيها.