خاص| إلهام شاهين تبرأ نفسها من هجومها على ياسمين ياسمين

كشفت النجمة المصرية إلهام شاهين حقيقة هجومها على الإعلامية ياسمين عز بسبب تصريحاتها في برنامجها كلام الناس المذاع عبر قناة Mbc مصر الفضائية.

تحيا مصر يرصد حقيقة هجوم إلهام شاهين على ياسمين عز.

إلهام شاهين وأزمتها مع ياسمين عز 

وقالت شاهين خلال تصريح خاص لموقع تحيا مصر: أنا مقولتش معرفهاش أنا قولت مبتابعهاش.. ولما قالولي بتهاجم الستات كان ردي متروجوش لكلامها، وردها عليا بأن كل واحد يتكلم في اللي يخصه فتمام هي مقالتش حاجة وحشة.

إلهام شاهين ترد على منتقدي فيلم صاحبتي

على الصعيد الآخر، ردت إلهام شاهين على مهاجمي مشهد قبلة ابنة شقيقتها إلهام صفي الدين في فيلم صاحبتي.

وقالت شاهين خلال مداخلة هاتفية ببرنامج الستات والتي تقدمه الإعلامية سهير جودة ومفيدة شيحة: إحنا مش عايزين فن للتسلية إحنا عايزين فن يكون له رسالة، في أدوار حتى لو الناس شايفة إنها في جرأة أو شر أو أخطاء أو واحدة منحرفة، ولكن في نهاية العمل بيكون ليه رسالة مهمة

وأضافت: مش المشكلة بس في مشهد بوسة، لو أنا بقدم دور تاجرة مخدرات ما هي بتؤذي المجتمع والناس، لو بقدم دور إرهابية زي مسلسل (بطلوع الروح) بتقتل وتجلد وتموت الناس، هل أنا كده بعمل شيء غلط؟! لأ، لأني بفيد المجتمع، لأن بقول رسالة مهمة جدا من هذا الدور المكروه.

رد إلهام صفي الدين على مهاجمي فيلمها

كما دافعت إلهام صفي الدين عن الفيلم وقالت إلهام صفي الدين خلال ندوة مناقشة الفيلم عقب عرضه في قاعة إيوارت بالجامعة الأمريكية ضمن فعاليات مهرجان القاهرة السينمائي: سواء فيه بوسة أو فيه مشهد فيه شىء ملموس، أتفهم إن ده مش في مجتمعنا ومش معتاد عليه، لكن دي حاجة كانت بتحصل زمان وعادي، الزمن والوقت تغير.. وأنا شايفة إن أي حاجة عملتها في الفيلم كانت عن اقتناع، الفن جاي من الحقيقة، والحقيقة بيحصل فيها كل حاجة، لو هقدم فن هقدمه زي ما هو، وعمري ما هتكسف من ده بصراحة.