عماد رشاد: نيللي وشيريهان قامات استفدت منها.. ونجلتي رفضت التمثيل لهذا السبب

كشف الفنان عماد رشاد عن رأيه في العمل مع نيللي وشيريهان في فوازير ألف ليلة وليلة، بالإضافة إلى سبب بعد نجلته عن التمثيل وعمله مع يسرا في أحلام سعيدة، وذلك خلال لقائه ببرنامج واحد من الناس.

تحيا مصر يرصد لكم تصريحات عماد رشاد في واحد من الناس 

وقال عماد رشاد: الاتنين قامات.. نيللي بستفيد منها ان مش مجهزة دماغها وكانت تلقائية، ومدام شيريهان أكاديمية أكتر وتذاكر وتجتهد، واستفدت من اني بعمل رقصات معاها.

وعن العمل مع يسرا في أحلام سعيد قال: مدام يسرا احنا اصدقاء لكن اول مرة اشتغل معاها، وهي جوا التمثيل مدرسة تانية واهتمام بلبسك وتظبط على اللوكيشن كله، وتحس انها اول مرة تمثل باهتمامها بالمشهد وبتركز في التفاصيل اللي بتخلي الصورة في الآخر حلوة.

عماد رشاد وتمثيل نجلته 

أما عن نجلته قال: ياسمين اتعرض عليها فيلم صعيدي في الجامعة الامريكية دور غادة عادل واتفقت معاهم وبعدين قالت لمحمد العدل أنا مش هعمل الدور ده، وهي دلوقتي شغالة في الديكور. 

وعن نجله نديم، قال: بعيد عن الفن خالص وطيب بزيادة عن اللزوم، وبشوف فيه نفسي جدًا وجبتله شموع اول ماتجوز وبقاله اربع سنين لاقيتهم زي ما هما.

عماد رشاد وروشتة الزواج الناجح

- اوعى لما تعمل غلطة وتعترف عشان الست الشرقية لما تروح تعتذرلها هتقولك حاضر وتطبطب عليك وفي اول موقف هتقولك انت عملت كذا يابن كذا ومش قد انك تعترفلها

- حتى لو المرأة مش عاطفية عاملها برومانسية

- اوعى تخلي البنت تقعد في البيت عشان ده هيفيده انها مش هتبقى فضياله وميبقاش تسليتها

- الزوج يقول حاضر وماشي ولو قالت حط المخدة دي هنا قولها حاضر ولما تمشي شيلها تاني

- كبر دماغك

- حط الست دايمًا قدامك بخطوة عشان تستحق

عماد رشاد: بعمل لمراتي اكل وشموع

وقال عماد رشاد: انا عاطفي وبعمل اكل لمراتي وشموع ومزيكا وبشبع أحاسيسي وبشد اللي معايا عشان يعيش ده معايا، وانا مريح جدًا وبريح مراتي.. اعمل اللي انت عايزة بس قولها حاضر.

وتابع: الزوج يقول حاضر وماشي لو قالت حط المخدة دي هناك حطها وبعد ما تمشي شيلها تاني وكبر دماغك.