منى فاروق: اقتحام الخصوصية بيضايق.. وأهلي بيزعلوا من الشائعات عليا

كشفت الفنانة منى فاروق رأيها في اقتحام خصوصية المشاهير والشائعات المتكررة التي تتعرض لها، وذلك خلال حوارها في استوديو تحيا مصر.

تحيا مصر يرصد لكم تصريحات منى فاروق عن الخصوصية والشائعات المتكررة

وقالت منى فاروق لـ تحيا مصر: بتضايق بس الناس بتقول ان المشهور ملهوش خصوصية، هو بيبقى ليه على فكرة وبيتضايق بس خلاص بقى بيسيبهم.

وتابعت: اكتر إِشاعة ضايقتني إني ارتبطت بناس كتير السنة اللي فاتت وأنا مرطبتش بحد، وكنت سينجل والله.

منى فاروق ورد فعل أهلها بشأن الشائعات

وعن رد فعل أهلها بشأن الشائعات التي تتعرض لها، قالت: اهلي بيزعلوا عليا وماما بتتضايق على الحاجات اللي بتضايقني، وبيبقى خايفين عليا نفسيًا بس هما عارفين انا عايشة معاهم، وفي الساحل ده احنا كلنا كنا موجودين.

منى فاروق وشائعات ارتباطها بـ نجل وفاء عامر وإمام عاشور

وقالت منى فاروق لـ تحيا مصر: عمر فوقي ابن الفنانة وفاء عامر هو اصغر مني بسنين كتير جدًا وشوفته صدفة في الساحل واتصورنا صورة بقت تريند.. وساعتها نزلت معاه فيديو على الأكونت بعد الإشاعة عشان أاكد إن مفيش حاجة.

وأما عن شائعات ارتباطها بـ إمام عاشور قالت منى فاروق لـ تحيا مصر مازحة: ارتبطت بسبعة السنة اللي فاتت، لا مرتبطش بإمام عاشور طب معزمونيش ليه.

وتابعت: مام عاشور لاعب محترم وأصغر مني على فكرة، وعارفاه من صحاب مشتركين، وشخصية جميلة وخطب دلوقتي وبقوله الف مبروك.

وأضافات منى فاروق كاشفة تفاصيل الموقف: كنا في كافية بتاع كريم عبد الخالق الممثل ومخطوبين في الأب الروحي وكريم صديق إمام عاشور وفي حفلة رمضانية في رمضان اللي فات واتصورنا صورة عادية، وكان في حد بيصور فيديو من بعيد حاجة مش لذيذة خالص وطلع تريند.

واستكملت منى فاروق: لكن كريم أخويا وإمام أخويا لما اتعرفت عليه عن طريق كريم والحضري ده أخويا الكبير، والناس دي كلها بتعاملني بحب واحترام، فـ بستغرب اني انزل حاجة والناس تقول مرتبطة، والناس شكت إني مرتبطة بإمام من خلال الصورة دي بس الحقيقة مفيش صورة تربطنا ببعض أنا وهو.