مروة تطلب الخلع: جوزي بيستخبي فى الحمام وسايبنى اتصرف مع الرجالة اللى مديون ليهم

" تعبت منه ومن تصرفاته نفسي احس أنى متجوزة راجل مش واحد بيستلف فلوس من طوب الأرض وفى الآخر يجري يستخبي فى الحمام ويسبنى اتصرف معاهم لحد ما زهقت من نظرات وطمع الرجالة فيا وهو عامل نفسه مش واخد باله منهم " جاءت هذه الكلمات على لسان مروة وهى داخل محكمة الأسرة لرفع دعوى الخلع من زوجها بعد 3 سنوات من الزواج مبررة استحالة العشرة معه بعد تصرفاته وتراكم الديون عليه وعدم الذهاب الى عمله .

تحيا مصر

زوجة تطلب الخلع

وقالت مروة فى دعواها ل " تحيا مصر " ، البداية أنى اتعرفت عليه فى فرح وكان كداب جدا ورسم لى الوهم وأنه بيشتغل ومعجب بيا ، وللأسف انا صدقته واتخطبت له وكنت بشتغل وساعد معاه فى فرش الشقة وتجهيزها من وراء أهلى، عشان نتجوز بسرعة وكنت بحلم باليوم اللى تجمعنا شقة واحدة ونكون أسرة وبيت لكن بعد الزواج اكتشفت انى اتجوزت اكتر إنسان بيكذب فى الدنيا ومش بيعرف يتحمل المسئولية، حتى الشغل بتاعه يرزح يومين وعشرة لا.

«بيشوفني ميتة في الحلم».. مأساة زوجة: جوزي كل يوم بيحلم أني بموت وبيصحى يودعني وهو بيبكي

«الشباك كان مفتوح» زوجة تطالب بالخلع:«جوزي كسر عضمي عشان شاف شباك الحمام مفتوح وأنا بستحمي»

الخلع بمحكمة الأسرة 

وتابعت الزوجة حديثها، ومش بس كدا دا كمان اكتشفت أنه بيشرب مخدرات وبيستلف ومديون لناس كتيرة جدا نعرفهم وناس فى الشغل وبدأت الناس تيجي البيت ويطلبوا مننا الديون والفلوس اللى ليهم الاقيه يجرى يستخبي فى الحمام ويسبنى انا أخرج اصبرهم بالكلام وكنت بشوف طمع الرجالة فيا فى عينهم، ويصبروا وهم بيلمحوا بحاجات مش كويسة وهو عالم نفسه مش عارف لحد ما طفح بي الكيل، واتخانقت معاه وقررت أنى اسيب له الدنيا كلها قبل ما اخلف منه وطلبت منه الطلاق ولكنه رفض فرفعت عليه دعوى الخلع ومنتظرة حكم القضاء .