ماجد الكدواني عن مسلسل موضوع عائلي: مكنش هدفنا نشحت مشاعر ولا نبرز وجع

كشف الفنان ماجد الكدواني عن كواليس مسلسل موضوع عائلي الجزء الثاني، وذلك خلال مداخلة هاتفية ببرنامج الحكاية الذي يقدمه الإعلامي المصري عمرو أديب عبر قناة Mbc مصر.

تحيا مصر يرصد تصريحات ماجد الكدواني عن موضوع عائلي

وقال الكدواني: مكنش هدفنا إبراز الوجع ولا نشحت مشاعر لكن الوصول للشجن من خلال الرسائل الإنسانية.

وعن سؤال عمرو أديب: ازاي موضوع عائلي قدر يبقى فيه ألم وكوميديا مع بعض؟ رد الكدواني: البركة في أستاذ أحمد الجندي هو اللي قدر يظبط الميزان الحساس ده.

تصدرت أغنية بنت أبويا من مسلسل موضوع عائلي تريند موقع الفيديوهات يوتيوب وذلك بعد طرحها بيوم واحد فقط.

وحققت فيديو كليب الأغنية حوالي 266 الف مشاهدة على اليوتيوب، وذلك بعد 24 ساعة فقط من طرحها.

واستحوذت على تريند رقم 8 بعد يوم واحد، وهي من غناء هناء يسري.

كلمات أغنية بنت أبويا
وتقول كلمات الأغنية:

صوت رنة المفتاح في الباب ساعة اما توصل
ومكالمة نص اليوم لما من غير داعي تسأل
والزعيق من ورا قلبك لما اصالحك وتتقل
وحضنك اللي بنسي قبله ليه كنت بزعل
رأيك اللي كله حكمة صوتك حفظته
كل موقف يوم زعلني وبعدين فهمته
انت اللي انا رافعة راسي من ورا اسمه وسيرته
بنت ابويا واه يا بختي بعمري وياك عشته
بيقولوا لي إني شبهك إني زيك حتة منك روحي روحك واخدة قلبك في المشاعر والكلام
بيقولوا لي اللي شافوكي كتير لاقوكي بنت ابوكي ده في سلامه واهتمامه يا بختي قالوا بنت ابويا يا سلام
لما تقلق وانا اخبي لتزعل عشاني
وأما في طريقنا نسافر ونشغل أغاني
وأما تشوف منى دمعة وتعمل مش شايفها بتخاف تكسفني وتحسسني انك كاشفها
انت سندي وانت ضهري وصاحب عمري كله
لما بشكي لما بحكي من غيرك اقول اقوله
اللي مهما كبر سني هفضل اعيش في ضله
يا حبيب يارب يخلي صوتك العمر كله
بيقولوا لي إني شبهك إني زيك حتة منك روحي روحك واخدة قلبك في المشاعر والكلام
بيقولوا لي اللي شافوكي كتير لاقوكي بنت ابوكي ده في سلامه واهتمامه يا بختي قالوا بنت ابويا يا سلام