العسيلي: عبد الوهاب ومحمد فوزي بيمثلوني وفضلت الغناء عن التمثيل عشان أنا جامد فيه

حل الفنان محمود العسيلي ضيف على برنامج “أنغام”، المذاع على قناة dmc، والذي تحدث خلاله عن اختياره لـ نوع مختلف للأغاني والذي يجمع بين الشرقي والغربي.

تحيا مصر يرصد في ذلك التقرير تصريحات محمود العسيلي في برنامج أنغام

وقال محمود العسيلي خلال البرنامج: الموسيقار عمر خيرت قالي فيه حاجات كتير بتعملها غلط عشان انت فاكر المزيكا تنفع مع الكلاسيك، وقالي اسلوبك مختلف في عصر البيانو.

محمود العسيلي: أبويا كان بيسمعني كل أنواع المزيكا وده فرق معايا

وتابع: عبد الوهاب ومحمد فوزي ادوني شكل مختلف خالص، وأبويا كان بيسمعني كل الحاجات ودا فرق معايا جدا، وعبد الوهاب ومحمد فوزي بيمثلوني، عشان هما بيجمعوا بين الشرقي والغربي، والمشكل كان بالنسبالي ليه مفيش هارمي.

وأضاف: بقيت اسمع مزيكا تركي ويوناني وبعدها الشاب خالد طلعي بمزيكا خاصة ومودرن وشرقي، وبعد كدة عمرو دياب يلموني ودي كانت أول عمل يطلع برا الإطار الشرقي المعتاد وكان فيه ثنة أسباني، وبعدها قولت احنا كمصرين نقدر نعمل مزيكا مودرن وتبقى بتاعتنا.

محمود العسيلي: بدأت التمثيل وأنا عالي في الغناء فمكنتش أقدر اختاره

وتحدث محمود العسيلي عن سبب عدم خوضه تجربة التمثيل مرة أخرى بعد فيلم خليج نعمة، فقال: عملت سينما مرة واحدة، وبعدها كان لازم أختار اني اسيب المزيكا عشان التمثيل هياخد جزء كبير جدا من وقتي ، عشان هعمل حاجات أكتر عشان أعلى بالسلم الوظيفي بتاع التمثيل، وكنت في الغناء بقيت أشم الايف وإني بنجح، فكنت المفروض أختار فـ اخترت اللي أنا جامد فيه.

فيلم خليج نعمة لـ محمود العسيلي

عرض فيلم خليج نعمة في عام 2007، ودرات أحداثه حول جنة التي تتزوج من شاب ثري وتسافر إلى اليونان، ولكنه يعاملها معاملة جافة ويرهبها داخل المنزل، فتهرب منه وتعود لمصر فتقرر إعادة افتتاح الأتيليه الخاص بوالدها في خليج نعمة، وتقابل مجموعة من الشباب الذين يحاولون العمل في شرم الشيخ وتقع في غرام أحدهم، ولكنها تشعر أن زوجها ما زال يطاردها، وهو من بطولة العسيلي إلى جانب الفنان أحمد فهمي والفنانة غادة عادل ونخبة من نجوم الفن الأخريين.