شقيق هنا يُسري يُهنئها بنجاح أغنية بنت أبويا: فخور بيكي وخلتيني قاعد بعيط زي العيال 

حرص الفنان محمد يسري على تهنئة شقيقته هنا يسري بنجاح أغنية بنت أبويا والتي عرضت في الحلقة الأخيرة من مسلسل موضوع عائلي الجزء الثاني.

تحيا مصر يرصد لكم تهنئة محمد يسري لشقيقته

محمد يسري لشقيقته: دايمًا رافع راسي وفخور بيكي

ونشر محمد يسري الأغنية عبر حسابه بموقع التواصل الاجتماعي فيسبوك وكتب: طبعًا يا حبيبتي بنت أبوكي.. شبهه و زيه و حته منه.. و والله يا هنا كل يوم بيعدي انا متأكد انه فرحان اوي و فخور بيكي و بـ كل حاجة انتي بتعمليها على المستوي الانساني و الفني زي ما انا دائمًا رافع راسي و فخور بيكي.

محمد يسري: خلتوني قاعد بعيط زي العيال

وتابع: حابب حقيقي أشكر كل اللي شاركوا في صنع مسلسل موضوع عائلي اساتذة و زملاء على مدار الموسمين بقيادة الاستاذ الكبير أحمد الجندي لأنهم بجد عملوا مسلسل قريب لـ قلوبنا أوي و شكرا أوي لـ صناع أغنية بنت أبويا، خلتوني قاعد بعيط زي العيال.

‎وأضاف: وأخيرًا شكر خاص جدًا للمنتج احمد الجنايني اللي بعيدًا عن أنه حقيقي  من أشطر و ازكى المنتجين اللي موجودين دلوقتي هو كمان مكسب شخصي كبير اوي السنة دي.. شكرا يا چينو على كل حاجة حقيقي .. الف مبروك وحب كبير ليكو كلكوا.. بنت أبويا دلوقتي على يوتيوب.

كلمات أغنية بنت أبويا

صوت رنة المفتاح في الباب ساعة اما توصل
ومكالمة نص اليوم لما من غير داعي تسأل
والزعيق من ورا قلبك لما اصالحك وتتقل
وحضنك اللي بنسي قبله ليه كنت بزعل
رأيك اللي كله حكمة صوتك حفظته
كل موقف يوم زعلني وبعدين فهمته
انت اللي انا رافعة راسي من ورا اسمه وسيرته
بنت ابويا واه يا بختي بعمري وياك عشته
بيقولوا لي إني شبهك إني زيك حتة منك روحي روحك واخدة قلبك في المشاعر والكلام
بيقولوا لي اللي شافوكي كتير لاقوكي بنت ابوكي ده في سلامه واهتمامه يا بختي قالوا بنت ابويا يا سلام
لما تقلق وانا اخبي لتزعل عشاني
وأما في طريقنا نسافر ونشغل أغاني
وأما تشوف منى دمعة وتعمل مش شايفها بتخاف تكسفني وتحسسني انك كاشفها
انت سندي وانت ضهري وصاحب عمري كله
لما بشكي لما بحكي من غيرك اقول اقوله
اللي مهما كبر سني هفضل اعيش في ضله
يا حبيب يارب يخلي صوتك العمر كله
بيقولوا لي إني شبهك إني زيك حتة منك روحي روحك واخدة قلبك في المشاعر والكلام
بيقولوا لي اللي شافوكي كتير لاقوكي بنت ابوكي ده في سلامه واهتمامه يا بختي قالوا بنت ابويا يا سلام