محمد فاضل: تدخل المنتج والبطل في اختيار نجوم العمل كارثة.. ودا أكتر دور بحبه لفردوس عبد الحميد

أوضح المخرج الكبير محمد فاضل السبب الذي يجعل عدد من المخرجين لا يقدموا أعمال جديدة كل عام، وذلك خلال لقاءه اليوم ببرنامج “أسرار النجوم” على محطة راديو “نجوم إف إم”.

تحيا مصر يرصد تفاصيل تصريحات محمد فاضل في أسرار النجوم

محمد فاضل وتدخل المنتج

حيث قال "فاضل": "حصل انفجار إنتاجي في وقت ما، وبقينا ننتج بالـ40 مسلسل، وطلع مخرجين رائعين زي هاني خليفة وسامح عبدالعزيز وتامر محسن وأحمد الجندي في الكوميدي، وحسين المنباوي وكاملة أبو ذكري، والمخرجين دول دايما بيدوروا عن الجديد عشان كده مش هتلاقي ليهم أعمال كل سنة".

وتابع: "فهتجيبي ناس اشتغلوا كليبات أو إعلانات، وبقى فيه كارثة بتدخل المنتج والبطل في اختيار النجوم، هي كارثة لا بد أن تتوقف، ديه حاجة مش موجودة على مستوى العالم، الفنان يشارك ويكون له رأي ولكن ميفرضش مين من الممثلين يكون موجود، ومحصلش إطلاقا من قريب أو بعيد نجم فرض عليا فنان أو فنانة، مينفعش.. وساعات المخرج يذهب اللوكيشن ويجد كل شيء جاهز ويقولون له أدخل صور".

محمد فاضل يتحدث عن أدوار فردوس عبد الحميد

وفي الحلقة ذاتها، كشف محمد فاضل عن الأدوار التي يحبها لزوجته الفنانة فردوس عبد الحميد، فقال: "بحب ليها كل الأدوار، ومثلا دورها مع سمير غانم في (ميزو) كان رائع وهو أول بطولة ليها في التليفزيون وكانت قبلها بتشتغل مسرح بس".

رد محمد فاضل على انتقادات دور فردوس عبد الحميد في الضاحك الباكي

وفي وقت سابق، حرص المخرج محمد فاضل الرد على كل الانتقادات التي وجهت إلى دور زوجته الفنانة فردوس عبد الحميد في مسلسل “الضاحك الباكي”، وذلك في مداخلة هاتفية له ببرنامج “حضرة المواطن”.

حيث قال محمد فاضل: "اللي بيحصل مش انتقادات، ولكن الحكاية دي بتحصل من 30 سنة ومعطلتنيش أو عطلت فردوس عب دالحميد عن حاجة، وهي دلوقتي بتصور عملين جديدين مش من إخراجي، ودا رد عملي إنها بتشتغل مع مخرجين آخرين ومنتجين بردو بعيد عني، ولكن فيه ناس متربصة والحكاية دي بتحصل معنا من 30 سنة ولكننا بنعمل الشغل اللي عايزينه دون أي مشكلات”.