هاني شنودة: مصر مليانة مواهب فقيرة الحظ ولو كل واحد فينا مخدش إيد التاني متبقاش بلد

حل الموسيقار هاني شنودة ضيف على برنامج “الستات”، الذي تقدمه الإعلاميتين مفيدة شيحة وسهير جودة، على قناة النهار، والذي وجه خلاله رسالة هامة للشعب المصري.

تحيا مصر يرصد في ذلك التقرير رسالة هاني شنودة للجمهور 

هاني شنودة: بنصح الناس اللي بتحب عملها تعيد تفكير تاني

تحدث هاني شنودة عن حب العمل، مشيرا إلى أهميته فقال: اللي بيحب عمله بيصحى كل يوم الصبح يقول أنا عملت اي عشان أصلحة ومحتاج إيه عشان أكون أعلى، وأنصح الناس اللي مش بتحب عملها تفكر تاني، لأن أي عمل بيتعمل في اتقان بيفرق في البشرية كلها بدون مهو يحس، أنشتاين مكنش بيعمل حاجة للناس.

هاني شنودة عن أحمد سالم: بيغني كويس

وعن احتضانه لعدد من المواهب الشابة منهم المطرب أحمد سالم، الشهير بـ المطرب النقاش، فقال: أحمد سالم بيغني كويس أوي، مصر مليان مواهب فقيرة الحظ، ولو كل واحد فينا مخدش إيد التاني متبقاش بلد، مصر من البلاد الكويسة جدا القائمة على الرحمة والخير.

هاني شنودة وتبني موهبة أحمد سالم

وسبق وأن قال هاني شنودة خلال تصريحات تليفيزيونية سابقة، متحدثا على المطرب النقاش: “معرفوش الا أما عرفته هنا، لو موهوب يبقى زميلي، بغض النظر عن السن والطبقة واذ مكنش الأوبرا تدور على المواهب الجديد يبقى تتلغي”.

وتابع هاني شنودة حديثه، معلنا عن تبني موهبة المطرب النقاش، فقال: ودنه كويسة وهيكون من أكبر المطربين في مصر، ده مستقبل زيه زي منير، وأنا مسؤول عن تلحين أغنية ليه، ومتأكد إن بعد سنين هيقولو الراجل ده مغلطش.

أما عن الهضبة عمرو دياب، فروي هاني شنودة قصة تبنيه، قائلا: “لقيته بيخبط على الباب وبيقولي عايز أبقى مطرب قولتله اتفضل غني، بعد ما غنى صوته كان حلو وودنه كويسه، بعدها اقترحت عليه يجي معانا القاهرة واتفاجئت بيه واقف عند الأوتوبيس وقالي انا جاي معاكم مصر، قولتله عايز سكن قالي انا عندي وركب الأوتوبيس معانا وجه القاهرة واتوسطله دخل معهد الموسيقى العربية”.

واختتم: عمرو دياب شجع الناس على انها تمارس الرياضة.