ياسمين عز تهاجم شاكيرا: بيكيه مطلبش يرجعلك وحماتك عملتلك ايه عشان تكديها!

تحدث الإعلامية ياسمين عز للمرة الثانية عن أزمة النجمة العالمية شاكيرا وطليقها لاعب كرة القدم بيكيه، معربة عن غضبها من محاولات شاكيرا في مضايقة حماتها.

تحيا مصر يرصد في ذلك التقرير تصريحات ياسمين عز لـ شاكيرا

ياسمين عز تهاجم شاكيرا

وقالت ياسمين عز خلال برنامجها “كلام الناس”، المذاع على قناة mbc مصر: شاكيرا عرفت ان فيه واحدة بتقعد مع بكيه وبيخونها وكتشفت الخيانة دي من علبة المربي لأنه مبيكولهاش..  ما يمكن ضغطه بيوطى من عمايلك فبياكل المربى نسيبه يموت يعني عشان ترتاحي، مكنش برطمان مربة يحبيتي.

وتابعت: كلنا عندنا كاميرات لو قطة عدت هنشوفها وانت تقدري تعرفي من الكاميرا واحدة دخلت لجوزك ولا لا لو عندك فيديو طلعيه.

ياسمين عز لـ شاكيرا: كنت محسسة جوزك إن أعلى وأهم منه

وروت أفعال شاكيرا مع حماتها فقالت: طلعت في البلكون وحطت ساحرة شريرة وشغلت أغنية الردح الجديدة لحمتها، يعني سكنتي في وش حماتك عشان الحب مقطع بعضه انتي وبكيه، يوم اما تتطلقي تكيدي على حماتك، الحاجة أم بكيه عملتلك ايه، قصدك انها اللي خربت عليكم حياتكم، مش انتي اللي كنت محسسة جوزك انك أعلى وأهم منه

وأضافت: اللي بيسيب حد وبينساه مش بيفضل يعمله أغاني ويقوله مش هرجعلك هو مطلبش منك أصلا.. اللي بيطلع حد من حياته بيخليه زي الطفاية وهو مبيدخنش.

وسبق وأن قالت ياسمين عز لـ شاكيرا بعدما رجح الجمهور بأن أغنيتها الأخيرة توجه بها الحديث لـ طليقها بيكيه، فقالت: كفاية تلقيح على بيكيه ولومي نفسك على طلاقكوا متلمهوش هو.. الراجل مستحملش صوتك العالي وبعدين فيها ايه لما يميل عليكي ويطلب منك قرشين سلف؟ أنتي زوجة معاها فلوس كتير.

انفصال شاكيرا وبيكيه

جدير بالذكر أن الثنائي شاكيرا وبيكيه كان أعلن رسمياً الانفصال بعد علاقة استمرت 12 عاماً، متمنين من الإعلام الحفاظ على خصوصية العائلة، وطفليهما.

و فجر روبرتو غارسيا، الذي ارتبط بعلاقة عاطفية مع لوسيلا، شقيقة شاكيرا، لمدة 8 سنوات، مفاجأة جديدة مؤكداً أن وراء هذا الانفصال الذي كسر قلوب محبي الزوجين، أسباب مادية.