محمد حماقي يتلقى هدية من ابنته بعد شرائه هاتف جديد.. تعرف عليها

تلقى المطرب المصري محمد حماقي، هدية من ابنته فاطمة بمناسبة شرائه هاتف محمول جديد.

تحيا مصر يرصد هدية ابنة محمد حماقي له بعد شرائه هاتف جديد. 

ابنة محمد حماقي

وأشار محمد حماقي إلى أن ابنته دائما ما تقدم له هدية عند شراء أي هاتف محمول جديد، قائلًا في فيديو له: “هدية توما ليا هذا الاستيكر، ودي عادة عندها كل ما أجيب موبيل جديد لازم تجيب استكير وتضعه في ضهر الموبيل”.

وأكد حماقي على أنها أغلى هدية، ومن المستحيل أن تتم إزالتها من الهاتف الخاص به إلى أن يقوم بشراء هاتف جديد.

كشف الفنان محمد حماقي تفاصيل أغنية ما بلاش التي حققت رواج كبير بعد طرحها، وذلك خلال سهرته الخاصة مع صاحبة السعادة إسعاد يونس.

وتحدث محمد حماقي عن تفاصيل اللقاء الأخير مع والدها، قائلًا: كان في يوم عندي حفلة و بطني مضايقاني وانا وبغني وخلصت غنا وخرج هو وامي من القاعة وبعدين وقف هزر معاه وطلع ملبس وقالي خد حلي بوقك ومشي، كان بالليل، وبعد ما مشي كلمني في التليفون واطمن عليا.

وتابع: و ٩ الصبح جالي تليفون انه اتوفى، ودي كانت مرحلة وحشة وكان عندي لحن قبل ما ابويا يتوفى من تامر علي وكاتب كلمتين اللي هما اول اتنين كوبليه.

محمد حماقي: أمير طعيمة كتب اللقاء الأخير مع أبويا في ما بلاش 

وأضاف حماقي: وقعدت فترة طويلة مبنزلش من البيت وأمير طعيمة فضل يكلمني عشان يخرجني وجه في يوم تحت البيت ونزلت ركبت معاه العربية وقعد يقولي الكلام اللي الصحاب بيسندوا بعض فيه.

وأردف: وقولتله عندي اغنية عايزة تكتبها، وكتب اللقاء الاخير اللي بيني وبين ابويا في الاغنية وانا استغربت هو وصل كده ازاي.

محمد حماقي:  صديق كلمني بعد طرح الأغنية وقالي فيها حاجة غريبة

 
وعن ردود الفعل التي وصلته عن الأغنية قال: وفي صديق كلمني قالي ما بلاش دي ايه وقالي مش حاسس انها اغنية وفيها حاجة غريبة وحكيتله ظروفها راح قالي دي مش اغنية.

واستكمل كلامه: وخلاص ولما جيت اصور الاغنية حبيت انقل الاغنية واعملها بالمقلوب وده الشعور اللي بيجي لكل الناس اللي فقدت والدها او والدتها، وحالة الأغنية دي كانت حقيقية مش مصنوعة.

كلمات أغنية ما بلاش 

وتقول كلمات الأغنية:

ما بلاش تغيب عنا تاني
ما بلاش يا سايب اراضينا
ما بلاش تغيب عنا تاني ما بلاش

قولى مين هيملى في يوم مكانك
قولي مين يعوضني حنانك
قولي مين في حزني يقولي مالك
قولي مين

الحقيقه ان الحياه ضحكت علينا
لا الفراق ولا اللقا كانوا بايدينا
لما يومها حضنتني وبعدين مشينا
ليه مقولتش ان ده الحضن الأخير

كنت سيبني لحد آخر لحظه جنبك
سيبني اقولك قد ايه وازاي بحبك
مهما طال بينا البعاد مش هنسى حبك
واشوفك يوم على خير

ما بلاش تغيب عنا تاني
ما بلاش يا سايب اراضينا
ما بلاش تغيب عنا تاني ما بلاش