بعد تصريحات ياسمين عز.. مفيدة شيحة: متجوزة محامي أو موظف بنك أنا ست ولازم يحترمني

خرجت الإعلامية مفيدة شيحة عن صمتها لتحسم الجدل حول علاقة الرجل بالمرأة خاصة بعد تصريحات الإعلامية ياسمين عز المختلفة تماما عن المعتاد.

تحيا مصر يرصد في ذلك التقرير تصريحات مفيدة شيحة عن الرجل والمرأة

مفيدة شيحة: أنا ست الزوج لازم يحترمني زي ما بحترمه

كتبت مفيدة شيحة عبر حسابها الرسمي بموقع التواصل الإجتماعي “فيسبوك”: متجوزة محامي، متجوزة باشمهندس، متجوزة موظف بنك .. أنا ست ولازم يحترمني زي ما بحترمه.. خلص الكلام.

تصريحات ياسمين عز عن المحاميين وموظفي البنوك

وكانت ياسمين عز مؤخرا، قد خصصت فقرة في برنامج “كلام الناس” للحديث عن موظفي البنوك والمحامين، اذ وصفت موظفي البنوك، قائلة: اللي متجوزة موظف بنك دايما بتتحسد عليه بيكونوا على الفرازة كل يوم وهو نازل شغله هتحسي انك متجوزة موديل بيشف ويرف وريحة البرفان بتاعته جايبة أخر الشارع، وليكي حق تغيري عليه من أناقته ولابقته، وضوافره معمولة بادكير رباني.

بينما قالت عن المحاميين: متجوزة راجل فريد هيبة ومالي مركزه غير غنه ذوقه عالي في اختيار بدلته يبقى هيكون ذوقه عالي في اختيار زوجته، مش بينسى أي حاجة وذاكرته قوية ولو طلبتي منه طلب مش بينساه وباله مش هيرتاح إلا أما يعمله، راجل معتمد عليه ومتحمل المسؤولية ومحدش يقدر يضحك عليكي في وجوده ولو وقعتي في أي مشكلة هيخرجك منها زي الشعرة من العجينة ومحدش يقدر يظلمك ولا يجي عليكي، الزوج أما يكون محامي بيكون مكس مختلف قوي بس حنين، مغامر وجريء بس بيخاف ربنا وعادل بيعرف يوفق بين بيته وشغله.

أخر نصائح ياسمين عز للزوجات

وتعد أخر نصائح ياسمين عز للزوجات هي نصيحتها للزوجة التي تغضب من منادات الرجل باسمه عليه، فقالت: في واحدة بتقول جوزي بينده عليا باسمه هو أنا معنديش اسم ينادوني بيه حبيت السؤال وهجاوبك، عندك اسم واسم جميل كمان بس الراجل جوزك خايف عليكي، خايف حد يعاكسك بيحبك، متنازل ليكي عن أعز ما يملك وهو اسمه انتي زعلانة، الحركة دي فيها استعارة مكنية معنى كل حب وانتي مش واخدة بالك، الراجل كدة عايز يقولك ان انت نفسه وان انتو واحد لو ناداكي باسم واحدة تانية هتعملي اي.