خاص| بعد ضربها.. بطلة مسرحية الحفيد: نصحوني أعمل محضر في لوسي ومرضتش وعودة العرض اللي هيرجعلنا كرامتنا

تصدرت أزمة مسرحية الحفيد محركات البحث عبر مواقع التواصل الاجتماعي، وذلك بعدما صرح بعض الفنانين بتجاوز الفنانة لوسي أثناء العرض.

تحيا مصر يرصد لكم تفاصيل ضرب لوسي لإحدى الممثلات في مسرحية الحفيد 

وخرجت الفنانة الشابة ندى عفيفي التي تشارك في العرض المسرحي لتكشف كواليس التعدي عليها من قبل الفنانة لوسي أثناء العرض المسرحي.

وقالت ندى عفيفي في تصريحات خاصة لموقع تحيا مصر أن الفنانة لوسي قامت بالتعدي عليها أثناء العرض المسرحي أمام الجمهور على الرغم من أن هذا النص لم يمكن موجود في سيناريو العرض.

وعن اعتذار لوسي لها بعد العرض قالت: الاستاذ ايهاب فهمي فضل يتحايل عليها وبقولها اعتذرلها وهي رفضت تعتذرلي وهو كلمني ومسكتش وخد  بخاطري وقعد يقولي على راسي وحقك علي وانا حقيقي يعني كبرت له يعني.

وتابعت ندى: انا ما قدرتش اعمل اي رد عشان طبعا على المسرح لما حصلت الواقعه ان انا لازم احترم الخشبه اللي انا واقفه عليها الحمد  لله ربنا ادني القدره ان انا اقدر امسك نفسي وليله العرض تعدي.

واضافت: لكن ما بعد ليله العرض بعد إللي حصل استاذ ايهاب كلمني وهو كان مستعجل جدا ومتعصب جدا من اللي حصلي.

إيهاب فهمي يتخذ إجراء ضد لوسي

وكشفت ندى أن الفنان إيهاب فهمي قام بأخذ إجراء ضد الفنانة لوسي بعد تجاوزها مع الفنانين لي العرض المسرحي واتفقا على رحيلها وامضاء اعتذار عن المسرحية.

ندى عفيفي: لوسي قدمت شكوى فينا بوزارة الثقافة 

وكشف: فضلت تماطل في الموضوع واكتشفنا أن هي قدمت شكوى فينا كلنا بوزارة الثقافة وده كان صدمة لينا كلنا، لأن بعد ما وقعت شكوى ضدنا مينفعش نجيب ممثلة تانية ولازم يكون بموافقة النقابة والشئون القانونية.

وتابعت ندى: التجاوزات كانت بتحصل من 8/27 ولغاية العرض المسرحي الموضوع يزيد عن حده.

واضافت: امبارح كان عندنا تحقيق في النيابة الإدارية والموضوع كبر وتفاقم، واحنا كنا ساكتين احترامًا للشئون القانونية اللي طلبت مننا منتكلش.

واستطردت: والأستاذة لوسي طلعت غلطت فينا كلنا مع الاستاذة لميس الحديدي، وأنا ناس كتير نصحوني أعمل محضر في القسم ضدها وأنا مرضتش ومش احنا اللي نعمل كده في بعض.

وتابعت: احنا زمايل واكيد هنتقابل في أعمال تانيه احتراما للفن و احنا لنقدم حاجه مهمه وغاليه ومش احنا اللي نشنكي بعض لكن فؤجنا أن الفنانه الكبيرة هي اللي يصدر منها  الشكوى.
وردت ندى على تصريحات لوسي بشأن أنها لم تفعل ذلك ومن معه إثبات بفعلها ذلك هو من يتحدث فقط فقالت ندى: أنا مش معايا إثبات لكن معايا شهود وهما العاملين بالمسرح والفنانين والجمهور الذي شهد العرض المسرحي.

ندى عفيفي: لوسي  وضربت ممثل 4 اقلام وقالتله هو ده اللي في النص ياحقير  

وكشفت عن واقعة ضرب لإحدى زملائها بالعرض المسرحي وقالت ندى: هي كانت عنيفة مع ممثل تاني والمشهد كان بيقول أن هي تضربه قلم واحد وهي كانت بتنسى المشاهد ومش بتحفظ كويس وكنا لازم كلنا نقدر حاجه زي دي.

واضافت:  والفنان طلب منها نحاول نركز وتقول المشهد بالظبط عشان هو يدخل في الوقت المظبوط بدل ما يحصل مشكله على المسرح وهي عدت اليوم هادى ويوم التمثيل ضربت الممثل بدل القلم اكتر من 4 اقلام وقالتله هو ده اللي في النص يا حقير قدام الجمهور  على المسرح.

وقالت: كان في عبس ومهازل على المسرح القومي وده مسرح عريق والولد احترم نفسه وجمهوره وزمايلاه ومتكلمش وكان في تجاوزات كتير على مدى كذا  شهر من البروفات وتفاقمت المشاكل أما بدأنا نعرض.

وكشفت أنهم قاموا بتقديم شكوى جماعية ضد الفنانة لوسي، كما قامت هي بكتابة شكوى منفصلة بوافقة الضرب على المسرح وأن التحقيقات مستمرة إلى الآن.

وطالبت ندى بعودة العرض المسرحي على المسرح القومي بدون الفنانة لوسي قائلة: ده اللي هيرجعلنا كرامتنا.